मन्थली- नेपाली काँग्रेस मन्थली नगरपालिका वडा नं ७ भटौलीको अयोजनामा भटौलीमा १ दिने पार्टी प्रशिक्षण कार्यक्रम एवं पार्टी कार्यलय उद्घाटन भएको छ । वडा कार्यसमितिका सभापति भुवनहरि प्रसाइको अध्यक्षता एवं जिल्ला पार्टी सभापति लबश्री न्यौपानेको प्रमुख आतिथ्यतामा शनिबार पार्टी प्रशिक्षण तथा कार्यालय उद्घाटन भएको हो ।
मुगिटारको रुद्राक्षेश्वर माबिमा सम्पन्न कार्यकर्ता प्रशिक्षण कार्यक्रमको उद्घाटन सभापति न्यौपानेले मैन बत्ति बालेर गर्नु भएको थियो । कार्यक्रममा सभापति न्यौपाने, पार्टि सचिब लेख बहादुर कार्की, कोषाध्यक्ष कुमार श्रेष्ठ, रामेछाप काँग्रेस प्रदेश सभा ‘ख’ का सभापति बिनोद कार्की र नेबिसंघका निबर्तमान केन्द्रीय सदस्य रत्नहरि ढुंगेलले प्रशिक्षण दिनु भएको थियो ।
कार्यक्रमका अबसरमा प्रशिक्षणमा सहभागि ९० जना भन्दा बढी काग्रेस कार्यकर्ताहरुलाई पार्टी सभापति लवश्री न्यौपानेले प्रमाणपत्र बितरण गर्नु भएको थियो । यसैबिच नेपाली काँग्रेस मन्थली नगरपालिका वडा नं ७ को कार्यालय पनि भटौलीमा उद्घाटन गरिएको छ । संघीय संरचना अनुसार काँग्रेसले वडा पार्टी कार्यालयको स्थापना गर्नेमा मन्थली नगरपालिका वडा नम्बर ७ जिल्लामै पहिलो पहिलो भएको सचिब लेख बहादुर कार्कीले बताउनुभयो ।
यो बारेमा तपाईको प्रतिकृया