मन्थली– नेकपा रामेछापले बुधबार जिल्लामा चियापान कार्यक्रम मार्फत जिल्ला स्तरमा पनि मेलमिलापको सन्देश दिएको छ । विगत वर्षहरुमा जस्तै यस वर्ष पनि विजया दशमी, तिहार, छट पर्व तथा नेपाल संवत् लगाएतका विभिन्न पर्वको अबसरमा चियापान तथा शुभकामना आदानप्रदान कार्यक्रमको आयोजना गरेको हो ।
छोटो र औपचारीक रुपमा भएको चियापान कार्यक्रममा बोल्ने सबै नेताहरुले मुलुकको विकास र मेलमिलाप एकतामा नै फस्टाउने भएकोले त्यसका लागि कम्युनिष्ट पार्टी प्रतिपक्ष दल नेपाली काँग्रेससँग पनि मिलेर जान तयार रहेको धारणा राखेका थिए । कार्यत्रमका प्रमुख अतिथि केन्द्रिय सदस्य एवं पार्टी जिल्ला ईन्चार्ज देवशंकर पौडेलले मुलुकलाई विकासे पद्धतीमा लैजान सकेमात्र सम्वृद्ध मुलुक र सम्वृद्ध रामेछाप सम्भव रहेको बताउनु भयो ।
त्यस्तै नेकपा जिल्ला सह ईन्चार्ज एवं प्रदेश नं तीनका अर्थमन्त्री कैलास ढुंगेलले अहिले आफुले जिल्लाको विकास निर्माणका क्षेत्रमा छुट्याएको बजेट र सडक संजाल, खेलकुद, पर्यटन र कृषिका क्षेत्रमा भएको विकासको चर्चा गर्दे भावि दिनमा पनि जिल्लाको विकासमा आफुले वजेटको कमी हुन नदिने आश्वासन दिनुभयो । उहाँले नेपाली कांगेस प्रतिपक्षी भएर पनि सालीन पार्टी भएको र भावि दिनमा पनि उसँगको सहकार्य मेलमिलाप मैत्री नै भएर जाने विश्वास व्यक्त गर्नुभयो ।
नेकपा रामेछापका अध्यक्ष मैन कुमार मोक्तानको अध्यक्षतामा भएको चियापान कार्यक्रममा नेकपाका केन्द्रीय सदस्य युवराज चौलागाइले पनि अवको युग मेलमिलाप युग भएकोले यसलाई सरकार र प्रतिपक्ष दुवैले सकरात्मक तरिकाले अगाडी वढाउनु पर्ने विश्वास राख्दै सबै अतिथि र सहभागिहरुलाई शुभकामना व्यक्त गर्नु भएको थियो ।
कार्यक्रममा जिल्ला स्तरका नेता, सबैजसो पालिकाका नेता तथा कार्यकर्ताहरु, विभिन्न राजनीतिक दलका नेता, स्थानीय तहका जनप्रतिनिधि, सरकारी कार्यालयका प्रमुख एवं प्रतिनिधि लगायतको सहभागिता रहेको थियो । कार्यक्रममा सहभागीहरुले एकआपसमा शुभकामना आदानप्रदान गरेका थिए । जिल्ला समन्वय समितिको प्राङ्गणमा भएको कार्यक्रममा एक हजार भन्दा बढीको सहभागिता रहेको थियो
यो बारेमा तपाईको प्रतिकृया