रामेछाप- नेपालको निशान छापमा भारतद्वारा अतिक्रमणमा नेपाली भुभाग कालापानी, लिपुलेक र लिम्पियाधुरा समेटिएपछि रामेछापमा दिप प्रज्वलन भएको छ । निशान छापमा नेपालको नयाँ नक्सा समावेश गरी संविधान संशोधन गर्न प्रतिनिधिसभामा पेश गरिएको प्रस्ताव सर्वसम्मतले पारित भएपछि शनिबार साँझ रामेछापमा अनेरास्वबियू र रास्ट्रिय युवा संघ नेपालले खुसियालीमा दिप प्रज्वलन गरेका हुन् ।
सरकारले नेपालको नयाँ नक्स समेटेर निशासन छाप सार्वजनिक गरेकोपछि खुसीयालीमा दिप प्रज्वलन गरिएको अनेरास्वबियू रामेछापका संयोजक सागरहरी अधिकारीले बताए । उनले बर्षौ देखि भारतले अतिक्रमण गरेको भुभागसहितको नयाँ नक्सा जारी गरेर सरकारले सहासिक काम गरेकोमा सबैले सरकारको प्रशंसा गर्नुपर्ने बताए ।
मन्थली बजारको देवकोटाचोकमा नयाँ निशान छापको नक्सा राखेर दिप प्रज्वनल गरिएको थियो । दिप प्रज्वलनमा अनेरास्वबियू, रास्ट्रिय युवा संघ नेपाल र नेकपाका नेता तथा कार्यकर्ताको सहभागिता रहेको थियो ।
यो बारेमा तपाईको प्रतिकृया