रामेछाप १२ असार । मन्थली नगरपालीका वडा नं १ को घारी खहरेबाट जुवा खेल्दै गरेको अवस्थामा नगद कौडा र ५ जना जुवाडे र घर धनि सहित पक्राउ परेका छन् । शुक्रबार राति करिव पौने १२ बजेको समयमा स्थानिय चन्द्र वहादुर माझिको घरमा जुवा खेल्दै गरेको अवस्थामा उनिहरुलाई प्रहरीले पक्राउ गरेको हो ।
पक्राउ पर्नेहरुमा मन्थली नगरपालीका वडा नं ६ हातिटारका तेज बहादुर माझि,मन्थली ८ गाईखुराका ४५ बर्षिय आईते माझि,मन्थली नगरपालीका ९ बस्ने टीका राज आरण ,खाँडादेवी गाउँपालीका घर भई हाल सुनकोशि गाउँपालीका १ बस्दै आएका ३८ वर्षिय नरेन्द्र माझी रहेको प्रहरी कार्यालयका प्रमुख प्रहरी नायव उपरिक्षक नवराज ढुंगानाले जानकारी दिनुभयो ।
सुराकिका आधारमा प्रहरी अधिकृतको नेतृत्वमा घटना स्थलमा पुगेकोे टोलीले उनिहरुलाई जुवा खेल्दै गरेको अवस्थामा १ लाख ९२ हजार ९ सय ५० रुपैयाँ नगद तथा १६ थान कौडा, सहित रंगेहात पक्राउ परेको पनि प्रनाउ ढुँगानाले बताउनु भयो । उनिहरुलाई हिरासतमा लिएर थप अनुसन्धान भईरहेको र अनुसन्धान पछि कानूनि कार्वाहि प्रकृया अघि बढाईने जानकारी पनि प्रहरीले गराएको छ ।
यो बारेमा तपाईको प्रतिकृया