आयोजना कार्यालय आफ्नै भवनमा

१६ जेठ, २०७६

मन्थली-संघिय खानेपानी तथा ढल ब्यवस्थापन कार्यालय रामेछाप बिहिवार देखि आफ्नै भवनमा सरेको छ ।
पुजा पाठ पश्चात भवनको उद्घाटन संघिय खानेपानी तथा ढल ब्यवस्थापन कार्यालयका क्षेत्रिय निर्देशक नन्दलाल बन्जाडे र मन्थली नगर प्रमुख रमेश कुमार बस्नेतले संयुक्त रुपमा गर्नु भएको हो ।

उद्घाटन पछि अयोजना गरिएको जिल्लाको खानेपानी तथा ढल ब्यवस्थापन सम्बन्धि अन्तरक्रिया कार्यक्रममा बोल्दै क्षेत्रिय निर्देशक नन्दलाल बन्जाडेले जिल्ला सदरमुकाम मन्थलीमा हाल भैरहेको खानेपानी ब्यवस्था र ढल ब्यवस्थापनका लागि प्रभाबकारी काम गर्न आबश्यक देखिएकाले आफू पनि त्यो काम गर्न लागि पर्ने र स्थानीय सरकार र उपभोक्ताहरु पनि जागरुक भएर लाग्नु पर्नेमा जोड दिनुभयो ।
त्यस्तै मन्थली नगरापलिका प्रमुख रमेश कुमार बस्नेतले अहिले सरकारी मापदण्ड अनुसार राज्यको योजनामा ३० प्रतिशत रकम जम्मा गर्नुपर्ने नियम अनुसार आफुले स्थानीय तहबाट गर्ने हरेक प्रकारको सहयोग गर्न तयार रहेको तर खानेपानी र ढल निकास प्रभावकारी ढंगबाट गरिनुपर्ने कुरालाई जोड दिनु भयो । सो अबसरमा बोल्दै जिल्ला समन्वय समिति रामेछापका प्रमुख प्रेम बहादुर खड्काले जिल्ला भर खानेपानीको सस्या बढ्दै गएको र सदरमुकाम मन्थलीमा ढल ब्यवस्थापनको समस्या भएकाले यसलाई चाडैनै कार्यलय मार्फत समाधान गर्न आग्रह गर्नुभयो ।