मन्थली,१५ बैशाख । जिल्ला जेष्ठ नागरिक संघ रामेछापको मन्थलीमा शनिवार सम्पन्न छैटौं साधारण सभा एबं दोस्रो जिल्ला अधिबेशनले पुनःदोस्रो कार्यकालका लागि नारायण दाश श्रेष्ठको अध्यक्षतामा १५ सदस्यीय कार्य समिति निर्बिरोध निर्वाचित गरेको छ ।
यसरी निर्बाचित हुने पदाधिकारीहरुमा उपाध्यक्ष, सचिव, सह–सचिब र कोषाध्यक्षमा क्रमशः श्रीराम न्यौपाने,अर्जुन घिमिरे, विर बहादुर खड्का,पुरुषोत्तम घिमिरे रहनु भएको छ भने सदस्यहरुमा क्रमशः भक्त कुमारी ढुंगेल, केदार प्रसाद दाहाल, केदार प्रसाद ढुंगेल, तोरण बहादुर खड्का, टिका बहादुर थापा, ज्ञान भक्त श्रेष्ठ, यमकुमारी कार्की,राजकुमारी माझी,रामभक्त श्रेष्ठ र शुक्र वहादुर माझी रहनु भएको छ ।
संघका अध्यक्ष नारायण दाश श्रेष्ठको अध्यक्षतामा सम्पन्न उक्त कार्यक्रमको उद्घाटन जिल्ला समन्वय समिति रामेछापकी प्रमुख चिना कार्कीले गर्नु भएको थियो ।
अधिबेशनले कोषाध्यक्ष कृष्ण प्रसाद ढुंगेल द्वारा प्रस्तुत ६ लाख १० हजार ७ सय ८७ बरावरको आर्थिक प्रतिवेदन र सचिब कोमल श्रेष्ठ द्वारा प्रस्तुत सांगठनिक प्रतिबेदन समेत पास गरेको थियो । कार्यक्रम का अवसरमा ५० जना भन्दा बढि ८०बर्ष भन्दा माथिका जेष्ठ नागरिकहरुलाई सम्मान गरिएको थियो ।
यो बारेमा तपाईको प्रतिकृया