रामेछाप ‘मोडेलको उपाधि चौहान र लिटिल मोडेलको उपाधि प्रनव र कुसाङले जिते

रामेछाप २७ साउन । मन्थलीमा सम्पन्न ‘मिस्टर एण्ड मोडेल रामेछाप सिजन–५’ को उपाधि रिमिता चौहान र ‘लिटिल मोडेल रामेछाप सिजन–४’ को उपाधि दुई विधाबाट प्रनव श्रेष्ठ र कुसाङ् लामाले जित्नु भएको छ ।

शनिवार सम्पन्न ग्राण्ड फिनालेमा अन्य दुई प्रतिस्पर्धी कोपिला खत्री र सपना पुरीलाई पछि पार्दै ‘मोडेल रामेछाप –२०८१’ को उपाधि चौहानले हात पारेको घोषणा गरिएको हो । मोडेल रामेछापमा यो पटक भने कुल तीन जनाले मात्रै भाग लिएका थिए ।

त्यस्तै कार्यक्रमका अवसरमा लिटिल मोडेल तर्फ ‘ए’ बाट प्रवन श्रेष्ठले उपाधि हात पारे भने फस्ट रनरअप केइशा थापा र सेकेन्ड रनरअप प्रेन्सा मुग्रातीले हात पारेका थिए ।
प्रतियोगिताको उद्घाट्न बागमती प्रदेशका सांसद आनन्द कुमार श्रेष्ठले गर्नुभएको थियो । उहाले उद्घाटनका क्रममा यस खालको सृजनशिलताले वाल वालिकाको क्षमता विकासमा सहयोग पुग्ने विश्वास ब्यक्त गर्नुभयो । विजयी वालवालिकाहरुलाई आयोजक संस्थाले नगद ५–५ हजार पुरस्कार, गिफ्ट ह्याम्पर, ट्रफि, मायाको चिनो प्रदान गरेको थियो ।

कार्यक्रमका अवसरमा लिटिल मोडेलको ‘ग्रुप ए’ बाट कुसाङ लामा हुँदा फस्ट रनरअप सुप्रिया कर्माचार्यले जितेकी थिइन । त्यसैगरी प्रतियोतिाको सेकेण्ड रनरअप प्रतीक्षा श्रेष्ठले जितेको आयोजक किङ्स्टर क्रियाशन प्रा.लि.का सिइओ सुमन खड्काले जानकारी दिनुभायो ।
वाल वालिकाको क्षमता,कला र गायन सहज होस भन्ने मुख्य उदेश्यले किङ स्टार क्रियशन प्रा.लि.को आयोजनामा हरेक वर्ष हुँदै आएको यी दुई विधाका प्रतिस्पर्धामा ‘लिटिल मोडेल’ तर्फ कुल १३ जना , ६ देखि १४ वर्ष उमेरका वालवालिकाले सहभागिता जनाएका थिए ।

तीनलाल पार्कमा भएको ग्राण्ड फिनालेमा प्रतिस्पर्धीहरुले जर्जहरुले सोधेका प्रश्नको प्रश्नोत्तर सहित विभिन्न पहिरनमा सजिएर आफ्नो कला प्रस्तुत गरेका थिए । साथै, जर्जहरुले समेत आफ्नो कला प्रस्तुत गरेका थिए ।
यस अगाडि किङ स्टारका (सिइओ) सुमन खड्का, निकिता चौहान र सहायक प्रशिक्षकको रूपमा ‘मोडल अफ रामेछाप सिजन–४’ कि वीनर सीता कार्की ले महिना प्रशिक्षण गरेका थिए ।

तर प्राप्त परिणामको भने प्रतिस्पर्धिहरुले विरोध गरेका छन् । आयोजकले मनलाग्दी विजेता घोषणा गरेको भन्दै प्रतिस्पर्धीहरूले विरोध गरेका थिए । उनीहरुले नजिताको परिणाम सोचेभन्दा फरक तरिकाले आएको भन्दै आयोजक र जर्जहरूको कार्यशैली निस्पक्ष हुन नसकेको आरोप लगाएका थिए । शनिवार साँझ सम्म भएको उक्त ग्राण्ड फिनालेमा ‘लफडा’ भएपछि कार्यक्रम सकिएको घोषणा गरिएको थियो । यस वारेमा क्रियशन प्रा लि का सिइओ सुमन खड्काले यो कार्यक्रमको निर्णायक भूमिका निश्पक्ष भएको भन्दै यस्ता कार्यक्रमहरुमा सबैको चित्त बुझाउन नसिकिने भएकोले असन्तुष्टि देखिनु स्वभाविक भएको बताउनुभयो ।