मन्थली ,१५ भदौ । रामेछापको सदरमुकाम मन्थलीमा रहेको विद्यालय मन्थली मावि मा शनिवार सरोकारवालाहरुसँग अन्तरकृया कार्यक्रमको आयोजना गरिएको छ ।
विद्यालय ब्यवस्थापन समितिका अध्यक्ष श्याम सुवेदीको अध्यक्षता एबं मन्थली नगर प्रमुख लव श्रेष्ठको प्रमुख आतिथ्यतामा सम्पन्न उक्त कार्यक्रममा विद्यालयका प्रधानाध्यापक टंक प्रसाद दाहाले विद्यालयको बार्षिक गतिविधि र आम्दानी तथा खर्चको सार्वजनिक गर्नु भएको थियो ।
यस अघि कक्षा ११ र १२ (माध्यामिक तह) लाई मन्थली नगरपालिकाले पटक पटक राज्यको नीति अनुसार दिवा सञ्चालन गर्न अनुरोध गरेपछि मन्थली माविले सो तहको विज्ञान र कमर्स वाहेककका अरु समूहका पढाई दिउसो गर्दै आएको थियो ।
कुनै कक्षा विहान त कुनै कक्षा दिउसो गर्दा सबै खाले विद्यार्थी र शिक्षकहरुलाई सहजता नभएको ब्यपाक जनगुनासो उठेपछि मन्थली स्कुलले विहान वा दिउसो कुन सममयमा सञ्चालन गर्दा उचित होला भन्ने राय सुझाव संकलन गर्न उक्त कार्यक्रको आयोजना गरेको थियो ।
कार्यक्रमका अवसरमा बोल्ने मन्थली नगर प्रमुख लव श्रेष्ठ, मन्थली नगरपालिकाका महाशाखा प्रमुख हेमन्त बुढाथोकी, सञ्चारकर्मीहरु , बिद्यार्थीहरु, राजनितिक दलका प्रतिनिधिहरु र वडा अध्यक्षहरुले समेत माध्यामिक तहको सवै कक्षा दिउसो गर्न सुझाव दिएका थिए ।
उक्त विद्यालयको लेखापरीक्षक समेत रहनुभएका निवर्तमान मन्थली नगरप्रमुख रमेश बस्नेतले यस विद्यालयमा राखेको लेखा चुस्त दुरुस्त नभएकाले एक लेखा अधिकृतको दरवन्दी सृजना गरी नियुक्ती गरिनु पर्ने र मन्थली माध्यामिक विद्यालयमा २ घन्टी पढाएर ५ घष्टिको तलव खाने काम हुन सक्न्ो भएकाले सबै समुहको कक्षा राज्यको नियमानुसार दिउसो नै गर्न जरुरी रहेको बताउनुभयो ।
तर बिद्यालयको आधारभूत तह र माध्यामिक तहमा प्राय जसो एउटै शिक्षकले अध्यापन गर्ने गरेकोले र विद्यार्थीहरु विहान कक्षा लिएर दिउसो रोजगारी गर्न जाने भएकाले पनि सबै कक्षा दिउसो गर्न नसकिएको बिद्यालय ब्यवस्थापन समितिका अध्यक्ष श्याम सुवेदीले बताउनुभयो ।
कार्यक्रमका अवसरमा सहभागि विद्यार्थीहरुले अपाङ्ग मैत्री शौचालय नभएको, पहुँच र पावरका आधारमा जो पायो त्यहिलाई छात्र बृत्ति दिएको वास्तविक पाउनु पर्ने गरिवले नपाएको, सहयोगका नाममा चर्को शुल्क असुल्ने गरेको आरोप लगाएका थिए ।
यो बारेमा तपाईको प्रतिकृया