मन्थली,२९ असोज । रामेछापको मन्थली बाट लुक्ला जान मन्थली आएका १ हजार भन्दा बढि बिदेशी पर्यटकहरु दुई दिन देखि मन्थलीमा रोकिएका छन् ।
काठमाण्डौ बाट मन्थली सम्म सडक मार्ग बाट आउने र मन्थली बाट लुक्ला हवाई जहाजमा जाने गरी मन्थली आइपुगेका एक हजार तीन सय विदेशी पर्यटकहरु खराव मौसमका कारण लुक्लाका लागि जहाज उड्न नसकेपछि उनीहरु मन्थलीमै रोकिएका हुन् ।
पर्यटकहरु मन्थलीमा रोकिएपछि आफ्नो यात्रा सुची विग्रने भन्दै कोही सडक मार्ग बाट सोलुको फाप्लु गएका छन भने कोही हेलि मार्फत सोलुको सुर्के सम्म जाने गरेका छन् ।
नागरिक उड्डेयन प्राधिकरणका कार्यालय प्रमुख हिरोण शाहका अनुसार समिट, तारा र सिता यएरलाइन्स मार्फत उड्नु पर्ने करिव १ हजार तीन सय विदेशी पर्यटकहरु मन्थलीमै रोकिएका हुन् ।
नियमित उडान नहुँदा आफुहरु समस्यामा परेको पर्यटकहरुले बताएका छन् । मन्थली बिमानस्थलमा हिजो विहानै देखी पर्यटहरु भरिभराउ छन् । रामेछापको मन्थलीबाट यस अघि लुक्लाको लागि दैनिक ५५ देखि ६० सम्म बढि उडान हुने गरेको नागरिक उड्डयन प्राधिकरण मन्थलीका सूचना अधिकारी प्रज्वल गुरागाईंले जानकारी दिनुभयो ।
पर्यटकहरु यस वेला सोलुको लुक्ला पुगेर सरगमाथाको आधार शिविर सम्म भ्रमणका लागि जाने गर्दछन् ।
यो बारेमा तपाईको प्रतिकृया