काठमाण्डौ, ७ मङ्सिर । सिविसको सहयोगमा बालबालिका र मिडिया समुहको आयोजनामा आइतवार काठमाण्डौमा बालअधिकार सम्बन्धी सञ्चारकर्मीहरु सँग छलफल कार्यक्रम सम्पन्न भएको छ ।
सिविसकी अध्यक्ष बिमला ज्ञवालीको अध्यक्षतामा सम्पन्न उक्त कार्यक्रमका अबसरमा उहाँले सामाजिक सञ्जालको दुरुपयोगका कारण धेरै बालबालिकाहरु बालश्रम र यौन दुब्र्यबहारमा पर्ने गरेका कारण सामजिक सञ्जालको प्रयोग सम्बन्धी नीतिलाई सरकारले कडाकईका साथ कार्यान्वयन गर्नुपर्ने बताउनुभयो ।
सो अबसरमा सिविसका कार्यक्रम संयोजक उमंङ्ग मैनालीले संस्थागत गतिविधिको बारेमा जानकारी गराउनु भएको थियो भने पत्रकार रमेश गिरीले मुलुकमा बिद्यमान वालश्रम शोषण र यौन दुब्र्यबहारका सवालहरु का बारेमा कार्यपत्र प्रस्तुत गर्नु भएको थियो । उहाँको कार्यपत्रमा घर देखि विद्यालय सम्म धेरै बालबालिकाहरु श्रम शोषण र यौन दुब्र्यवहारमा पर्ने तर ति कुराहरु तत्काल वाहिर नआउने बिद्यमान अबस्थाले बालवालिकाहरु बढि जोखिममा पर्ने गरेको उल्लेख गरिएको थियो ।
मुलुकमा भएको बालबालिकाहरुको अबस्था, स्थानीय तहले वाल वालिकाहरु प्रति गरेको न्यून लगानी र बालबालिकाको मुद्धामा उठान गर्न सकिने विषयवस्तुका बारेमा बालबालिका र सञ्चार समुहका संयोजक गोबिन्द खड्काले सहजिकरण गर्नु भएको थियो ।
सो असवरमा बोल्ने अधिकांस सहभागिहरुले बालबालिका को बिषयमा सञ्चार गृहहरुले धेरै बिषयहरु उठान गर्न नसकेको स्वीकार गदै आ आफुले अनलाइन लगाएत अन्य सञ्चारमाध्यमहरुमा भने यसलाई पर्याप्त स्थान दिन आबश्यक रहेको बताएका थिए । कार्यक्रममा विभिन्न सञ्चार माध्यममा आबद्ध पत्रकारहरुको सहभागिता रहेको थियो ।
यो बारेमा तपाईको प्रतिकृया