मन्थली,२७ मङ्सिर । श्री अम्बर आदर्श वचत तथा ऋण सहकारी संस्थाको २४ औं साधारण सभा शनिवार मन्थलीमा सम्पन्न भएको छ ।
संस्थाका अध्यक्ष भोला बहादुर थापाको अध्यक्षतामा सम्पन्न उक्त कार्यक्रमको उद्घाटन जिल्ला सहकारी संघ रामेछापका अध्यक्ष एबं कार्यक्रमका प्रमुख अतिथि हिमाल ढुंगेलले गर्नु भएको थियो ।
कार्यक्रमका अबसरमा जिल्ला बचत संघका रामेछापका लेखा तथा सुपरिवेक्षण समितिका संयोजक प्रज्ञान खड्का, नेफ््स्कुन फिल्ड कार्यालय रामेछापका कार्यालय प्रमुख सूर्य बहादुर थापा, नेपाल पत्रकार महासंघ रामेछापका अध्यक्ष दिपक घिमिरे ले आ आफ्ना मन्तब्य राख्नुभएको थियो ।
उहाहरुले पछिल्लो समयमा सहकारी हरु बदनाम हुँदै गैरहेको ले यसलाई ब्यवस्थित गर्नका लागि सरकारले सहकारी प्राधिकरण गठन गरेको र प्राधिकरणले सहकारीहरुलाई प्रभावकारी ढंगबाट सञ्चालन गर्न खोजिरहेको बताउनुभयो ।
सो अबसरमा बोल्दै कार्यक्रमका प्रमुख अथिति हिमाल ढुंगेलले सहकारी डुवाएर भाग्ने जो सुकैलाई पनि सरकारले नछाडने बताउनुभयो । उहाले भन्नुभयो साना तथा मझौला सहकारी सञ्चालन गर्न पछिल्लो समयमा कठिनाई हुँदै गैरहेकोले यसलाई ब्यवस्थित ढंगबाट सञ्चालन गर्न शेयर सदस्यहरु सबैको भूमिका उत्तिकै हुनुपर्ने कुरालाई जोड दिनुभयो ।
कार्यक्रममा जेष्ठ बचतकर्ता महिला तर्फ शुभ लक्ष्मी थापा मगर, पुरुष तर्फ बद्रिनाथ उपाध्याय, असल ऋणीको तर्फबाट यज्ञ चौलागाँई, अधिक शेयर खरिदकर्ता बाट प्रकाश थापा र अधिक बचत कर्ताको तर्फबाट सबिता उप्रेती लाई सम्मान गरिएको थियो ।
कार्यक्रमका अबसरमा कोषाध्यक्ष रमेश ढुंङ्गेल द्वारा प्रस्तुत आथिक वर्ष २०८१÷८२ को लेखा परिक्षण प्रतिबेदन,सो आ.ब.को लक्ष तथा अनुमानित आय ब्यय यथार्थ आय ÷ब्यय, हासिल भएको उपलब्धि , आ.ब २०८०÷८१ र २०८१÷८२ को लक्ष तथा यथार्थ प्रगति र आ.ब २०८२÷८३ को अनुमानित लक्षको अनुमोदन गरेको छ ।
साधारण सभाले संस्थाकी सचिब सरिता खड्का खत्री द्वारा प्रस्तुत सांगठनिक प्रतिबेदन समेत पास गरेको थियो ।
यो बारेमा तपाईको प्रतिकृया