रामेछाप २६ फागुन । जिल्लामानै कराँते लगायत सबै खेलकुद विधामा सक्रिय र अब्बल खेलाडिको पहिचान बनाएका मन्थली नगरपालिका ६ का शुक्र माझिलाई नेपाल कराते महासंघ रामेछापको अध्यक्ष पदमा चयन गरेको छ । जिल्ला खेलकुद विकास समिति रामेछापको बिहीबार सम्पन्न बैठकले माझीलाई नेपाल कराते महासंघ रामेछापको अध्यक्षमा पदमा चयन गरेको हो ।
जिल्ला खेलकुद विकास समितिका अध्यक्ष सरोज गाहामगरको विशेष उपस्थितिमा बसेको बैठकले शुक्र माझीको अध्यक्षतामा ११ सदस्यीय समिति गठन गरिएको खेलकुद विकास समितिले जनाएको छ ।
जसको उपाध्यक्षमा मकर बहादुर श्रेष्ठ (क्वान मुकान) र ज्ञानबहादुर थापामगर (वादोरियो) सचिवमा मनीकुमार सुनुवार (सितोरियो) रहेका छन् । त्यस्तै कोषाध्यक्षमा कुमार चौलागाई (गोजुरियो), राजु भुजेल (सितोरियो), इन्द्र रोजन मगर (वादोरियो), विमल सिजाली मगर (सितोरियो), रोजी वि.क. (सितोरियो), उत्तम कुमार श्रेष्ठ (सितोरियो), सदिक्षा खड्का (सितोरियो) सदस्य बनेका छन् ।
त्यस्तै बिहीबारकै बैठकले निर्वतमान अध्यक्ष हिमालय योन्जन,, गोपाल बहादुर माझी र सरोज गाहमगरलाई सल्लाहकार समितिमा मनोनयन गरेको छ ।
त्यसैगरि जिल्लामा पछिल्लो समय खेलकुदका गतिविधि बढेसंगै महासङ्घले शुक्र बहादुर माझी, मकर बहादुर श्रेष्ठ, ज्ञान थापा मगर, मणिकुमार सुनुवार र सन्जना माझीलाई महासङ्घको विधान अनुसार प्रदेश समितिका लागि पनि सिफारिस गरेको छ ।
यो बारेमा तपाईको प्रतिकृया