मन्थली,२९ चैत । ब्रह्माकुमारी राजयोग सेवा केन्द्र मन्थलीको अयोजनामा विहिवार मन्थलीमा स्नेह मिलन तथा शुभकामना आदान प्रदान कार्यक्रमको अयोजना गरिएको छ ।
ब्रह्माकुमारी राजयोग सेवा केन्द्र रामेछापकी प्रमुख सञ्चालिका सीता दिदिको अध्यक्षतामा सम्पन्न उक्त कार्यक्रममा नव वर्ष २०८१ को असरमा शुभकामना आदान प्रदान गरिएको थियो ।
सो अवसरमा नेपाल पत्रकार महासंघ रामेछापका अध्यक्ष बद्री नयाँघरे, कर्कला देवी इङलिस बोर्डिङ स्कुलका प्रिन्सिपल केशव अमोल तिमिल्सिना,मन्थली शहिद स्मृति बहुमुखी क्याम्पसका पूर्व क्याम्पस प्रमुख गुन्ज बहादुर श्रेष्ठ,मन्थली माविका सहायक प्रधानाध्यापक चन्द्र सिं धामी,प्रहरी नायव उपरीक्षक प्रदिप कुमार सिंङ, ब्रम्हकुमारी विष्णु दिदी लगाएतले आ–आफ्नो मन्तब्य राख्दै नव वर्ष २०८१ सालको अबसरमा शुभकामना आदान प्रदान गर्नु भएको थियो ।
सोहि अवसर पारेर ब्रह्माकुमारी राजयोग सेवा केन्द्र को भवन का लागि जग्गा दिने जग्गादाता जय प्रसाद ढुंगेलको ९४ औं वर्षगाठ मनाइएको थियो । कार्यक्रममा बोल्ने अधिकांस बक्ताहरुले असल कर्म गर्ने को आयु पनि थपिने भन्दै सत्कर्मका लागि ९४ बर्षिय ढुंगेल बाट पाठ सिक्नुपर्ने बताउनुभयो ।
कार्यक्रममा जेष्ठ नागरिक जय प्रसाद ढुंगेल र उहाकी धर्मपत्नी रत्न कुमारी ढुंगेलको एकै महिना (चैत्र) मा जन्म महिना परेको बताइएको थियो । बैशाख देखि ढुंगेल ९४ बर्ष र उहाकी धर्म पत्नी रत्नकुमारी ९० बर्ष लाग्नु भएको पनि बताएइको थियो ।
यो बारेमा तपाईको प्रतिकृया