मन्थली,११ बैशाख । शिक्षा विकास तथा समन्वय इकाई रामेछापमा एस. इ. इ. २०८० को उत्तर पुस्तिका परीक्षण गर्ने शिक्षकहरु आन्दोलित भएका छन् ।
उत्तर पुस्तिका परीक्षण बापदको रकम (पारिश्रमिक) न्यून भएको भन्दै मंगलवार देखि उनीहरु आन्दोलित भएका हुन् ।
परीक्षा नियन्त्रण कार्यालय भक्तपुरले उत्तर पुस्तिका परीक्षण गरेबापद हाल प्रति गोटा रु २४ का दरले (कर सहित) रकम उपलब्ध गराउदै आएको थियो ।
शिक्षकहरुले मंगलवार परीक्षा नियन्त्रण कार्यालय भक्तपुरलालाई शिक्षा विकास तथा समन्वय इकाई रामेछाप मार्फत ज्ञापन पत्र पठाएका छन् ।
उनीहरुले उत्तर पुस्तिका परीक्षण गरेबापदको पारिश्रमिक प्रति गोटा रु ४० रुपैया माग गरेका छन् । एक हप्ता सम्म पनि आफ्नो जायज मागहरु पुरा नभए जिल्लाका सबै शिक्षकहरुले उत्तर पुस्तिका परीक्षण नगर्ने चेतावनी दिएका छन् ।
ज्ञापन पत्र बुझाउदै शिक्षक पार्वती कडरियाले भन्नुभयो– “२०७२ साल देखि उत्तर पुस्तिका परीक्षण गरेको रकम एउटै छ । दिनभरमा ५० वटा पनि उत्तर पुस्तिका परीक्षण गर्न सकिदैन त्यसो हुँदा दिनमा रु १ हजार पनि मुस्कीलले हुन्छ यो ट्रेड युनियनको अधिकार बिपरित हुन्छ ।”
ज्ञापन पत्र बुझ्दै शिक्षा विकास तथा समन्वय इकाई रामेछापका निमित्त कार्यालय प्रमुख वालकृष्ण ढुंगेलले उत्तर पुस्तिका परीक्षण गर्ने शिक्षकहरुले वुझाउनु भएको ज्ञापन पत्र जस्ताको तस्तै परीक्षा नियन्त्रण कार्यालयमा पठाएर आबश्यक समन्वय गर्ने प्रतिबद्धता ब्यक्त गर्नुभयो ।
ज्ञापन पत्रमा नेपाली, अग्रेजी, गणित, बिज्ञान,सामाजिक, कार्यालय सञ्चालन, र अर्थशास्त्र बिषयको बिषयत शिक्षकहरु क्रमशः गुण बहादुर सार्की, मोतिलाल लामा, सुरेन्द्र के शी, निलकण्ठ पुरी, पार्वती कडरीया, अमित कुमार सिंह र बिनोद पौडेलले प्रनिनिधि मुलक ढंगबाट हस्ताक्षर गरेका छन् ।
शिक्षा विकास तथा समन्वय इकाइ रामेछापमा परीक्षा नियन्त्रण कार्यालय भक्तपुरले अनिवार्य बिषयको ५ हजार ५ सय का दरले ऐच्छिक र ब्यवासायीक सहित ३० हजार भन्दा बढि को सख्यामा उत्तर पुस्तिका परीक्षणका लागि पठाएको पनि निमित्त कार्यालय प्रमुख ढुंगेलले जानकारी दिनुभयो ।
यो बारेमा तपाईको प्रतिकृया