मन्थली,१८ भदौ । “गरौं योग, रहौं निरोग, भन्ने मूल नाराका साथ” पतंन्जली योग समिति रामेछापले आज मन्थलीमा तिज विशेष कार्यक्रमको आयोजना गरेको छ । मन्थली नगरपालिका वडा नं–१ स्थित घारी खहरे टोलमा रहेको योगा हलमा उक्त कार्यक्रमको आयोजना गरिएको हो ।
पतंन्जली योग समिति महिला विभागकी अध्यक्ष अन्जला श्रेष्ठको अध्यक्षतामा सम्पन्न उक्त कार्यक्रममा सो समितिका पूर्व अध्यक्ष रामहरी सुवेदीले विभिन्न सांगितिक कार्यक्रमहरु प्रस्तुत गर्नु भएको थियो ।
सो अबसरमा यस अघि योगाभ्यास सुरु भएका मन्थली मावि, सानीमदौ र साहारा आश्रम भैसेश्वरमा योगाभ्यास गर्ने दुई सय भन्दा बढि याेग साधकहरूकाे सहभागिता रहेको थियो ।
सो कार्यक्रमको उद्घाटन सत्रमा बोल्ने वक्ताहरुले योग र यसको महत्वका वारेमा जानकारी गराएका थिए ।
उक्त अवसरमा योग सँग सम्बन्धित गित र तिजका विभिन्न गितहरुमा महिला तथा पुरुषहरुले सामुहिक नृत्य गरेका थिए ।
यो बारेमा तपाईको प्रतिकृया