मन्थली ,२० साउन । कानुन, न्याय तथा संसदिय मामिला मन्त्रालयद्वारा पुरुषले बहुविवाह गर्न पाउने गरी तयार पारेको कानुनको मस्यौदा प्रति रामेछापका महिलाहरुले पनि विरोध जनाएका छन् ।
नेपाल महिला संघ र अखिल नेपाल महिला संघ रामेछापमा आबद्ध महिलाहरुले संयुक्त रुपमा प्रमुख जिल्ला अधिकारी मार्फत नेपाल सरकार प्रधानमन्त्रीको कार्यालयलाई ज्ञापन पत्र बुझाएका हुन् ।
पुरुषले बहु विवाह गर्न पाउने भन्नु महिलाहरुमाथिको उत्पीडनको विषय भएकोले उक्त मस्यौदालाई खारेज गर्नुपर्ने माग उक्त ज्ञापन पत्रमा उल्लेख गरिरएको छ ।
नेपाल महिला संघकी कार्यवाहक अध्यक्ष कविता घिमिरे (ढुङ्गेल) र अखिल नेपाल महिला संघकी अध्यक्ष शान्ता न्यौपाने (सुवेदी) द्वारा संयुक्त रुपमा हस्ताक्षर गरिएको उक्त ज्ञापन पत्रमा नेपाली समाजमा महिला माथि हुने सबै प्रकारका विभेद, हिंसा,अपराध, विकृति, विसङ्गति, कुरिति कुसंस्कार र महिलाहरुलाई बस्तुको रुपमा हेरिने गलत कृयाकलापको बिरुद्ध सरकारले तयार गरेको मुलुकी अपराध संहिता–२०७४ को दफा १७५ माथिको संसोधन मस्यौदा महिलाको भावना अनुरुप नसच्याई संघिय संसदमा पेश गरेको खण्डमा नेपाल महिला संघ र अखिल नेपाल महिला संघ कडा अन्दोलनमा उत्रने चेतावनी पनि दिइएको छ ।
यो बारेमा तपाईको प्रतिकृया