रामेछाप,२७ बैशाख । रामेछाप नगरपालिकाकी उप–प्रमुख सृजना खड्काले आफु चढ्ने गाडीलाई बिरामी बोक्ने गाडिको रुपमा परिणत गर्नुभएको छ ।
जिल्लामा दिनप्रतिदिन कोरोना संक्रमितको संख्या थपिदै गएका कारण उनीहरुलाई र लकडाउनका वेला अन्य रोग वा गम्भीर चोटपटक लागेका बिरामीहरुलाई उपचारका लागि अस्पताल लैजान सहज होस भन्ने उदे्श्यका साथ आफुले चढ्ने गाडीलाई बिरामी बोक्ने गाडीका रुपमा कायम गरिएको उप प्रमुख सृजना खड्काले बताउनुभयो
उप प्रमुख खड्काले भन्नुभयो – ’नगरवासीहरुलाई उपचारका लागि अस्पताल पुग्न सहजहोस भनेर यस्तो गरिएको हो ,यस्तो महामारीको बेलामा हामी गाडी चढेर के गर्ने ? त्यसैले म चढने गाडीलाई बिरामी बोक्ने बनायौं । यसमा आबश्यक अन्य विरामी सुत्ने वेड र अक्सिजनको ब्यवस्था गर्छौ ।’
उपप्रमुख खड्काले चढने बा २ झ ४४६३ नम्बरको गाडी लाई नगरपालिकाका नागरीकहरुको विभिन्न उपचारका लागि विरामी बोक्ने गाडिको रुपमा कायम गर्नुर्भएको हो ।
रामेछाप नगरपालिकाका नगर प्रमुख नर बहादुर थापा मगरले आवश्यक परे आफुले चढ्ने गाडीलाई पनि एम्बुलेन्स बनाईने बताउनुभयो ।
नगरपालिकाले दुई वटा एम्बुलेन्स किन्ने तयारी गरेको भएपनि यो महामारीका कारण खरिद प्रकृया रोकिएको छ ।
यो बारेमा तपाईको प्रतिकृया