मन्थलीमा सहकारीका लागि सुरक्षित ऋण परिचालन तथा जोखिम व्यवस्थापन तालिम

रामेछाप १२ फागुन । जिल्लाका सहकारी संस्था र तिनका अगुवा हरुका लागि दुई दिने सुरक्षित ऋण परिचालन तथा जोखिम व्यवस्थापन तालिम शुक्रबार बाट मन्थलीमा आरम्भ भएको छ । नेफस्कोन फिल्ड कार्यालय मन्थलीको आयोजनामा जिल्लामा रहेका करिब ३ दर्जन सहकारीहरुको सुरक्षित ऋण परिचालन तथा जोखिम व्यवस्थापनका बारेमा प्रशिक्षित गराउने उद्देश्यले सहकारी र तिनका प्रतिनिधिहरुका लागि उक्त तालिम संचालन गरिएको हो ।
तालिमको उद्घाटन जिल्ला बचत तथा ऋण सहकारी संस्थाका अध्यक्ष जे एन दाहालले एक समारोहका वीच पानसमा बत्ति बालेर गर्नु भएको थियो । प्रमुख अतिथिको रुपमा बोल्दै आफनो उद्घाटन मन्तब्यमा अध्यक्ष दाहालले सहकारीहरुमा अहिलेको मुख्य चुनौति भनेकै सुरक्षित ऋण परिचालन र त्यसको जोखिम व्यवस्थापन भएकोले यसको ब्यवस्थापनका लागि पनि नेफ्स्कुनको तालिम उपलब्धि मुलक हुने धारणा राख्नु भयो ।
सो क्रममा उहाले अधिकाँश सहकारीहरुले सहकारीको निति विधि र पद्धतिका आधारमा ऋण परिचालन नगरेका कारण सहकारीहरुहरुले लगानी गरेको ऋण जोखिममा रहेको र त्यसको व्यवस्थापन मुख्य समस्या रहेको र यसको निराकरणका लागि सबै सहकारीहरुलाई गहिराईमा पुगेर काम गर्न पनि आग्रह गर्नु भयो । उहाँले जिल्लामा नेफ्स्कुन फिल्ड कार्यालयको स्थापना भए संगै यसले जिल्लामा रहेका सहकारी हरुलाई सहि मार्गमा ल्याउनका लागि महत्पुणर््ा भूमिका खेलेको भन्दै कार्यालय प्रमुखलाई धन्यवाद दिनु भयोे ।
जिल्ला बचत तथा क्रण सहकारी संस्थाका पुर्व अध्यक्ष एबं सहकारी अगुवा गोबिन्द प्रसाद घिमिरेले सुरक्षित ऋण परिचालन तथा जोखिम ब्यवस्थापन सहकारीहरुका लागि मुख्य प्राण भएको भन्दै सबै सहकारीहरुलाई गम्भिरताका साथ लाग्न पनि आग्रह गर्नु भयो । उहाँले तालिमबाट सिकेका कुराहरुलाई आफनो संस्थामा लगेर समुचित ढंगले सदुपयोग गर्न सके मात्र तालिमले सार्थक पाउने धारण राख्नु भयो ।
सहभागि हरुलाई नेफ्स्कुनका तालिम अधिकृत रविन्द्र श्रेष्ठ र फिल्ड संयोजक सुर्य थापाले दुई दिन सम्म प्रशिक्षण दिने कार्यक्रम रहेको पनि सो अबसरमा जानकारी गराईएको थियो । कार्यक्रममा नेपाल पत्रकार महासंघ रामेछापका जिल्ला अध्यक्षले बद्री नयाँघरेले सहि विषयमा छानिएको सहि तालीमले सहकारी आभियानमा सहि परिणाम ल्याउने विश्वास ब्यक्त गर्नु भयो ।