रामेछाप,१९ चैत्र । रामेछाप जिल्लामा भर्खरै प्रमुख जिल्ला अधिकारीकोे कार्यभार सम्हाल्नु भएकी प्र जि अ अनिता निरौलाले सुशासन र शान्ति सुरुक्षा आफ्नो पहिलो प्रथमिकता भएको बताउनु भएको छ ।
आइतवार जिल्ला प्रशासन कार्यलयमा आयोजना गरिएको पत्रकार भेटघाटका क्रममा उहाले सो कुरा बताउनुभएको हो । उहाले यो अभियानमा सञ्चार क्षेत्रबाट पनि सहयोगको अपेक्षा गर्नुभयो । आफू पनि केहि समय पत्रकारीताकै बिद्यार्थी बनेर पत्रकारीतामा स्नातक गरेकोले पत्रकारहरुको मर्म र भावना सबै बुझेको बताउनुभयो । उहाले सञ्चार कर्मीहरुले समाचारको शिर्षक वनाउदा भ्रमपुर्ण नवनाई समाचारले दिन खोजेको विषयवस्तु झल्कने खालको शिर्षक वनाउन र हरेक समाचारमा स्रोत खुलाउन पत्रकारहरुलाई अनुरोध गर्नुभयो ।
सो अवसरमा पत्रकारहरु बाट प्राप्त सुझावहरुलाई आफुले पूर्ण रुपमा ग्रहण गरी सुझाव अनुसारका आबश्यक काम गर्न आफु लागि पर्ने कुरा बताउनुभयो ।
उहाले जिल्ला देखि केन्द्र सम्म समयमा सुरु हुने नगरेका हरेक कार्यक्रम आफ्नो जिल्ला वसाई हुन्जेल निर्धारित समयमै सुरु गराउन पहल गर्ने र आफ्नो कार्यालय बाट हुने उपस्थितिलाई पनि निर्धारित समयमै गरी,गराइ समयको महत्वलाई गम्भिरता पुर्वक लिने पनि बताउनुभयो ।
कार्यक्रममा बोल्ने पत्रकारहरुले जिल्लाको शान्ति सुरक्षा, सुशासनको अबस्था जिल्लामा सञ्चालित हाइड्रो पावरले गरेको ज्यादती, नदिको वहाव परिवर्तन गरी झीक्ने गरेको रोडा ढुंगा, अबैधानिक रुपमा सञ्चालन भएका क्रसर उद्योगहरुको समस्या, जिल्लाको सिमा बिबाद लगाएतका विषयहरुमा सुझाव दिएका थिए ।
यो बारेमा तपाईको प्रतिकृया