रामेछाप १५ असार । गिरिजा प्रसाद कोइराला फाउन्डेसन (जिपी फाउन्डेसन) रामेछापले असार १५को अवसर पारेर आज सदरमुकाम मन्थलीमा सामूहिक दही चिउराको आयोजना गरेको छ ।
सामूहिक रूपमा दही चिउरा खाएर औपचारिक रूपमा मनाइएको उक्त कार्यक्रममा फाउन्डेसनले जीपी फाउन्डेसन र असार १५ को महत्वका बारेमा चर्चा गरेका थिए ।
कार्यक्रममा नेपाली काँग्रेस महाधिवेशन प्रतिनिधि धुब्रहरि ढुङ्गेलले असार १५ किसानहरूका लागि अत्यन्त महत्त्वपूर्ण दिन भएकाले सरकारले दिने अनुदान वास्तविक किसानमा पुर्याउन सके मात्र असार १५ को दिनले सार्थकता पाउने धारणा राख्नु भयो । उहाँले आजको दिनले कृषकहरूलाई दीक्षित गरी कृषि उत्पादन बढाउनु सक्नु पर्ने कुरामा पनि जोड दिनु भयो ।
असारको १५ सबै किसानहरूका लागि महत्त्वपूर्ण दिन भएको उल्लेख गर्दै सरकारले किसान र उसको माग समाधान गर्नै वातावरणको सृजना भएमा मात्र भदौको १५को महत्वले सार्थकता पाउने धारणा पनि राख्नु भयो । त्यसका लागि हामी सबैले कर्म र त्यसको परिणाम बुझ्नु पर्ने आवश्यक वातावरण निर्माण गर्न पनि जोड दिनु भयो ।
कृषि उत्पादन गर्न बिपी कोइरालाले त्यति बेला खेलेको भूमिकाको चर्चा गर्दै आजको दिनमा पनि कृषि प्रधान देशको महत्त्व लाई सबै पक्षले बुझ्नु पर्नेमा पनि उनको जोड थियो ।
नेपाली काँग्रेसका नेता र कार्यकर्ता हरू समेत र फाउन्डेसनका पदाधिकारी समेतको उपस्थिति रहेको उक्त कार्यक्रममा कार्यक्रमका अध्यक्ष दीपक खड्काले असार १५, दही चिउरा खाने दिनको परम्परालाई कायम राख्दै सबै सँग भाइचाराको सम्बन्ध स्थापित गराउनका लागि कार्यक्रमको आयोजना गरिएको बताउनु भयो ।
यो बारेमा तपाईको प्रतिकृया