मन्थली २१, चैत । प्रधानमन्त्री कृषि आधुनिकिकरण परियोजना रामेछापले आज (बुधवार) वोयर जातका वोका, पाठी, मिल र घास काट्ने कटर बितरण गरेको छ ।
जिल्ला समन्वय साितिका उप प्रमुख प्रेम सागर थापाको अध्यक्षतामा सम्पन्न उक्त कार्यक्रमका अवसरमा वाख्रा पालक कृषकहरुलाई पचास प्रतिशत अनुदानमा ११ वटा वोयर जातको बोका र एउटा पाठी बितरण गरिएको थियो । त्यसैगरी कम्बाइन मिल ३३ वडा र डिक्स मिल २० वटा,चापकटर ८ वटा वितरण गरिएको थियो ।
कार्यक्रमका अवसरमा सो कार्यालयका प्रमुख थिरलाल गैरेले वाख्रापालक कृषकहरुलाई आय आर्जन गर्न सहज होस भन्ने उद्देश्यका साथ ५० प्रतिशत अनुदानमा वोयर जातका बोका सहित मिलहरु उपलब्ध गराएएको बताउनुभयो ।
सो अवसरमा पत्रकार महासंघका बागमती प्रदेशका कोषाध्यक्ष रमेश ढुंगेल , जिल्ला समन्वय अधिकारी,पशु सेवा प्राविधिक लागाएतले आ–आफ्नो मन्तब्य राख्नु भएको थियो । परियोजनाले जिल्लाका बिभिन्न पालिकामा बाख्रा, जुनार र आलु जोनका रुपमा काम गर्दै आइरहेको छ ।
यो बारेमा तपाईको प्रतिकृया