रामेछाप १२ जेठ । जिल्ला स्वास्थ्य कार्यालय रामेछापले जिल्लाका सबै पालिका भित्र रहेका ५ बर्ष मुनिका बालिकाहरूका लागि पोलियो विरुद्धको (आईपिभी) खोप लगाउने भएको छ । कार्यालयले जिल्ला सदरमुकाममा सरोकारवालाहरूको बैठक राखी उक्त कुराको बारेमा जानकारी गराएको हो । कार्यालयले खोपलाई प्रभावकारी बनाउनका लागि आइतबार देखि तीन चरणमा पाँच हजार भन्दा धेरै बालबालिकालाई पोलियो विरुद्धको (आईपिभी) खोप लगाउने तयारी गरेको जानकारी सो अवसरमा गराएको छ ।
जिल्ला खोप समन्वय समितिका अध्यक्ष एवं जिल्ला समन्वय प्रमुख चिना खड्का कार्कीको अध्यक्षतामा बसेको सरोकारवालाहरूको बैठकले खोपलाई लक्ष्यका आधारमा प्रभावकारी बनाउन सबैले सहयोग गर्ने निर्णयको गरेको छ । निर्णय अनुसार पहिलो चरणमा भोलि आइतबार देखि रामेछाप नगरपालिका र लिखु तामाकोकी गाउँपालिकाका सम्पूर्ण वडाहरूमा १५ गते सम्म अभियान चल्ने छ । त्यस्तै दोस्रो चरणमा बुधवारदेखि शुक्रवार सम्म उमाकुण्ड, गोकुलगंगा, दोरम्बा सैलुङ र सुनापती गाउँपालिका सम्पूर्ण वडाहरूमा लगाइने छ ।
त्यसैगरि तेस्रो चरणमा मन्थली नगरपालिका र खाँडादेवी गाउँपालिकाका सम्पूर्ण वडाहरूमा यही जेठको २१ देखि २३ गते सम्म खोप सेवा संचलान हुनेछ । सबै खोप केन्द्रका लागि सामुदायीक विद्यालयलाई तोकिएकाले सेवा थप प्रभाबकारीहुने कुरामा कार्यालयले विश्वास गरेको छ ।
सो अवसरमा राष्ट्रिय खोप अभियानको जिल्लाको तयारी बारेमा जनस्वास्थ्य कार्यालय रामेछापका प्रमुख जितेन्द्र साहले जानकारी गराएका थिए । सो अवसरमा उनले तीन चरणमा संचालन गरिने उक्त कार्यक्रममा कुल पाँच हजार पाँच सय १५ जना बालबालिका सहभागी हुने जानकारी पनि आयोजक पक्षले गराएको छ ।
उनको प्रस्तुति अनुसार दुई नगरपालिका र ६ वटा गाउँपालिका भित्रका २०७३ साल वैशाख देखि २०७५ साल असोज मसान्त सम्म जन्मिएका सम्पूर्ण बालबालिका र एस अघि खोप लगाउन छुटेका वाल बालिका हरूलाई पोलियो रोग विरुद्धको (आई.पि.भी) खोप लगाउने निर्णय पनि गरिएको हो ।
उक्त खोप अभियान अन्तर्गत मन्थली नगरपालिकामा एक हजार ६ सय २०, रामेछाप नगरपालिकामा ६ सय ९१ जना बालबालिकाहरूका लागि यो खोप दिने तयारी कार्यालय गरेको छ । त्यो सँगै जिल्लाको उत्तरी क्षेत्र स्थित उमाकुण्ड गाउँपालिकाका ५सय ६६ र गोकुलगंगा गाउँपालिकाका सय ५५ जना, लिखु तामाकोकी गाउँपालिकाका ४ सय ७७, खाँडादेवी गाउँपालिकाका ५सय ११ जना बालबालिकालाई यो खोप लगाइने जानकारी पनि सो अवसरमा गराइएको थियो ।
त्यसै गरी दोरम्बा सैलुङ गाउँपालिकाका ५सय ४ र सुनापति गाउँपालिकाका ४सय ९१ जना बालबालिकालाई खोप लगाउने तयारी रहेको रहेको पनि सो अवसरमा जानकारी गराइएको थियो । त्यसका लागि जिल्ला भरिमा गरी कुल २ सय ४ वटा खोप केन्द्र र २सय ४ जना स्वास्थ्यकर्मीहरू सँगै तीन सय भन्दा बढी स्वास्थ्य स्वयंसेवक खटाएर खोप लगाइने तयारी भएको र त्यसका लागि सबै जनशक्तिले जिम्मेवार भएर काम गर्ने जानकारी पनि प्रमुख शाहले जानकारी गराए ।
वैठकमा सहायक प्रमुख जिल्ला अधिकारी किसान न्यौपाने लगायत जिल्लाका सरोकारवाला विभिन्न निकायका प्रतिनिधीहरुले पनि खोप अभियान र त्यसको दीर्घकालीन समाधानका बारेमा पनि खुलेर छलफल गरेका थियो । अभियानलाई सफल र उपलब्धि मूलक बनाउनका लागि जिल्लाका सञ्चार माध्यमहरूलाई पनि भरपुर सदुपयोग सँगै उनीहरू सँग सहयोग गर्न पनि बैठकले आग्रह गरेको छ ।
यो बारेमा तपाईको प्रतिकृया