तालिम सुरु

मन्थली,९ माघ । रामेछाप नगरपालिकाको सहकार्य,चाइल्ड एड नेटवर्क फाउन्डेसनको सहयोग र सेतो गुराँस राष्ट्रिय वालविकास सेवाको आयोजनामा रामेछाप नगर पालिकाका बाल शिक्षकहरुलाई प्रारम्भिक सिकाइ तथा विकास मापदण्डमा आधारित आठ दिने आवासीय तालिम बुधवारदेखि मन्थलीमा सुरु भएको छ ।

“प्रारम्भिक वालविकासमा लगानी,दिगो राष्ट्र विकासको थालनी ” भन्ने मूल नाराका साथ सुरु गरिएको उक्त तालिमको उदघाटन रामेछाप नगरपालिकाका शिक्षा,युवा तथा खेलकुद शाखाका प्रमुख नव प्रसाद वडुले गर्नु भएको थियो । तालिममा रामेछाप नगर अन्तर्गत रहेका विद्यालयका २३ जना वालविकास शिक्षकको सहभागिता रहेको छ ।

तालिममा प्रारम्भिक सिकाई,कक्षाकोठा ब्यवस्थापन लगाएका विषयमा बिभिन्न सैद्धान्तिक कुराहरुका बारेमा जानकारी दिँदै प्रयोगात्मक अभ्यास समेत गराइने सेतो गुराँस राष्ट्रिय वालविकास सेवाका परियोजना संयोजक कर्ण दराईले नेपाल अभियानलाई बताउनुभयो । तालिम १६ गते सम्म चल्ने बताईएको छ ।