मन्थली, १६ साउन ।“कोदो जन्य परिकारको आहार,स्वास्थ्य सुरक्षा र खाद्य जीवनको आधार,” भन्ने मूल नाराका साथ प्रथम राष्ट्रिय कोदो दिवस आज रामेछापको कठजोरमा कोदो रोपेर मनाइएको छ ।
सो अवसरमा राष्ट्रिय कृषि आधुनिकिकरण कार्यक्रम इकाई, कृषि विकास कार्यालय ,जिल्ला सहकारी संघ र जिल्ला कृषि सहकारी संघ रामेछापको समन्वयमा जमर्को कृषि सहकारी संस्था मन्थलीले मन्थली नगरपालिकाको वडा नं–३ ठाँटी मा कोदो रोपाई को आयोजना गरेको हो ।
कार्यक्रमका प्रमुख अतिथि एबं उर्जा जलस्रोत तथा सिंचाई पूर्व राज्य मन्त्री पूर्ण बहादुर तामाङ, सरकारी तथा गैर सरकारी संस्थाका प्रमुख एबं प्रतिनिधिहरु, राजनैतिक दलका प्रतिनिधिहरु स्थानीय कृषकहरुले कठजोरमा बाजा गाजा सहित कोदो रोपेर र कोदाको परिकार खाएर दिवस मनाएका हुन् ।
जमर्को कृषि सहकारी संस्था लिमिटेडका रामेछापका अध्यक्ष योगेन्द्र श्रेष्ठको अध्यक्षतामा सम्पन्न उक्त कार्यक्रममा प्रमुख अथिति पूर्ण बहादुर तामाङ, राष्ट्रिय कृषि आधुनिकिकरण कार्यक्रम इकाइ रामेछापका प्रमुख थिर लाग गैरे , जिल्ला सहकारी संघ रामेछापका अध्यक्ष हिमाल ढुंगेल, पत्रकार महासंघ रामेछापका अध्यक्ष दिपक घिमिरे लगाएतले कार्यक्रमको अबसरमा आ–आफ्नो मन्तब्य राख्दै कोदोको महत्व र मानव जीवनमा यसको सान्दर्भिकताका बारेमा चर्चा गर्नु भएको थियो ।
यो बारेमा तपाईको प्रतिकृया