रामेछाप १५ मंसीर । सोमबार वेलुकी कक्षाको अन्त्य सँगै मन्थली माविको प्राङ्ण पँचेवाजाको कर्कल ध्वनिले गुन्जि सकेको थियो । साथमा ड्रोन क्यामरा सहित अन्य क्यामरा हरु पनि उक्त दृश्यको तस्विर कैद गर्नमानै ब्यस्त थिए । उक्त ब्यस्तताका माझ दुईवटा कुर्सिमा थिए ,शिक्षक द्धय चन्द्रसिँ धामी र शिव प्रसाद सुवेदी । सोहि विचमा विद्यालय ब्यवस्थापन समितिका अध्यक्ष कुमार श्रेष्ठ र प्रअ र डा टंक दाहालले उनिहरुलाई विद्यार्थिको सम्मानीत हुटिङ्गका विच विदाई सहितको सम्मान पत्र सँगै यो विचमा सहभागि विद्यालय ब्यवस्थापन समितिका अध्यक्ष कुमार श्रेष्ठ सँगै कतिपय विद्यार्थि र शिक्षकहरु पनि भावुक भई सकेका थिए ।
उनिहरुलाई विद्यालयले दोसल्ला ओडाएर माला र ढाका टोपी लगाईदिए सँगै लाईनमा रहेका विद्यार्थि र शिक्षक हरु पनि धमाधम शिक्षक द्धयलाई विदाईको माला लगाउँदै थिए भने कतिपय आफना पृय शिक्षक द्धय चन्द्रसिँ धामी र शिव प्रसाद सुवेदीको विदाईमा भक्कानी रहेका थिए । औपचारीक विदाईका क्रममा शिक्षक द्धयको गला विद्यार्थि र सहकर्मिहरुले लगाई दिएको मालाले थेगिन नसक्ने अवस्थामा पुगेको थियो । त्यतिवेला सम्म दुवै शिक्षकको पनि गला अवरुद्ध भई सकेको थियो । सो क्रममा उनिहरु धेरै बोल्न सक्ने अवस्थामा थिएनन् । उनिहरुले भने – विद्यार्थि, अविभावक र विद्यालय परिवार प्रति हामी कृतार्थ छौ र कति जान अन्जानमा गल्ती भएको भए क्षमा चाहन्छौ्र । सो क्रममा उनिहरुले विद्यालयको शैक्षिक विकासमा आफुहरुको यात्रा निरन्तर रहने पनि बताए ।
विदाई भएका चन्द्रसिँ धामी मावि शिक्षक हुन भने शिव सुवेदी प्रावि शिक्षक हुन् । दुई मध्य सुवेदीले २०५३ साल बाट र धामी २०५८ सालबाट मन्थली माविमा प्रवेश गरेका थिए । लामो समय देखि विद्यालयको शैक्षिक यात्रामा समाहित भएका दुवै शिक्षकको ब्यवहार र स्वभावका कारण उनिहरु कोशेलीका रुपमा सबैबाट प्राप्त प्रशँसाको पोको लिएर विद्यालय बाट वाहिरीए । भिन्ना भिन्ने स्वभावका उनिहरु मध्य धामी परिवर्तनमुखि र सकरात्मक, प्रशासनिक स्वभाव र स्पष्ट विचारका थिए भने सुवेदी भने समन्वयी,नरम र सहयोगी स्वभावका थिए । दुवैको ब्यवहारले आजको मन्थली माविलाई यहाँ सम्म आईपुग्नका लागि निकै ठुलो टेवा पुगेको धारणा विद्यालयका पुर्व प्रअ गुन्ज बहादुर श्रेष्ठको रहेको छ । उहाँ भन्नु हुन्छ –दुवैको स्वभाव भिन्ना भिन्नै भएपनि विद्यालय परिवर्तनका लागि दुवै स्मरणिय पात्र हुन् ।
विदाईका क्रममा विद्यालय सुधारमा दुवैको भुमिका महत्वपुर्ण रहेको विद्यालय ब्यवस्थापन समितिका अध्यक्ष कुमार श्रेष्ठले बताए । लामो समय देखि विद्यालयमा रहेर काम गर्दे आउनु भएका दुवै शिक्षकको योगदान विद्यालयका लागि अविस्मरणीय रहेको पनि उनले वताए ।
दुई शिक्षक मध्य धामी मावि शिक्षक भएकाले उनि विद्यालयको थप जिम्मेवारीमा पनि थिए । साहायक प्रअको जिम्मेवारी सहित कक्षाको पठन पाठन सँगै उजाड रहेको विद्यालयको हातालाई हरियाली र सुन्दर बनाउने जिम्मेवारी पनि उनको काँधमा थियो । उनको निरन्तरको प्रयास र सहजीकरणका कारण मन्थली मावि हरियाली र सुन्दरताका लागि जिल्ला भरिमानै अब्वल विद्यालयका रुपमा दर्ज भयो । जसको आधिकारिक प्रमाण विद्यालयमानै सुम्पीएर विद्यालयको अक्षय कोषमा १ लाख सहयोग र वर्षमा ३ जना जेहन्दार छात्र छात्रालाई आफनो पेन्सन बाट छात्रवृति दिने घोषणा पनि शिक्षक धामीले आफनो विदाई कार्यक्रमका अवसरमा गरे । विद्यालय परिवारले दुवै शिक्षकलाई पँचेवाजाका साथमा अविर र माला सहित गाडिमा राखेर निजी निवास सम्म पुर्याएर सम्मान दिएको थियो ।
यो बारेमा तपाईको प्रतिकृया