रामेछापमा एसईईको तयारी पुरा २ हजार ४६१ जना विद्यार्थी सामेल हुने

रामेछाप । यस बर्षको एसइइ परिक्षामा रामेछाप जिल्ला बाट २ हजार ४ सय ६१ जना विद्यार्थी सामेल हुने भएले भएका छन् ।
गत बर्षको एसइई परीक्षामा जिल्ला भरिमा २४ वटा परिक्षा केन्द्र रहेकोमा २०८१ मा ५ वटा केन्द्र घटेर १९ वटा केन्द्र कायम रहेकोमा यस बर्ष १४ वटा केन्द्र मात्र कायम गरिएको शिक्षा समन्वय इकाई प्रमुख गजुरेलले जानकारी दिनुभयो ।
जिल्लाका पालिका मध्यको दुर्गम मानिने उमाकुण्ड गाउँपालिकामा कुल ७ वटा वडा रहेका र ती सबै वडामा १–१ वटा गरि ७ मावि रहेकोमा त्यहाँ भने वडा नं २ को शिद्देश्वर मावि बाम्तिभण्डार परिक्षा केन्द्रमा (एसइई)को परीक्षा हुने छ । उक्त परीक्षाका लागि आवश्यक सबै तयारी भई सकेको छ भने परिक्षार्थिहरु सबै परिक्षा केन्द्रमा पुगि सकेको शिक्षा विकास तथा समन्वय इकाई रामेछापले जनाएको छ ।
त्यसैगरि दोरम्बा शैलुङ् गाउँपालिका भरिका ७ वटा माविका लागि पालिकाको मुकाम रहेको टोकरपुर स्थित कण्ठेश्वर माविमा परिक्षा केन्द्र कायम गरिएको छ भने र ५ वटा मात्रै वडा रहेको सुनापति गाउँपालिकाको हकमा वेथानको डहू माविमा परीक्षा केन्द्र कायम गरिएको छ । लिखु तामाकोसी गाउँपालिकाको हकमा भने भुगोल र विद्यार्थि सँख्या दुवै मिलाएर पालिका केन्द्रको मावि धोबी र जनजागृति मावि खिम्ती गरि २ वटा विद्यालयमा परिक्षा केन्द्र कायम गरिएको छ ।
त्यस्तै गोकुलगंगा गाउँपालिकाको हकमा सबै विद्यालयलाई पाएक पर्ने गरि वडा नं ४ स्थित जन जागृत मावि बेतालीमा एक मात्र परिक्षा केन्द्र कायम गरिएको छ । त्यसैगरि खाँडादेवी गाउँपालिकाको हकमा ९ वटै वडाका मावि हरुका लागि प्रयागेश्वर मावि पकरबासलाई परिक्षा केन्द्र कायम गरिएको जानकारी गराईएको छ ।
त्यसैगरि मन्थली र रामेछाप नगरपालिकाको हकमा भने दुवै पालिकाका हरुमा विद्याथी सँख्या र आवश्यकता लाई ध्यान दिएर सोहि अनुसार परीक्षा केन्द्र तोकिएको छ । त्यस बाहेक जिल्लामा प्राविधिक तर्पm १ सय ५५ जना जना र ग्रेड वृद्धि तर्फ २०१ परीक्षार्थी सहित कुल २ हजार ४ सय ६१ जना विद्यार्थी यस बर्षको एसइईमा सामेल हुने पनि समन्वय प्रमुख गजुरेलले वताउनु भयो ।
यो वर्ष जिल्लामा सबै भन्दा धेरै सँख्या मन्थली क्याम्पसको परीक्षा केन्द्रमा २५० परीक्षार्थी सहभागि हुनेछन् भने जिल्लाभरको प्राविधिक तर्फको हकमा सबैका लागि मन्थली माविमा तोकिएको छ । त्यसै गरि आव २०७८÷०७९ सालको एसइई परीक्षामा सहभागी भएर कम ग्रेड ल्याएका विद्यार्थीहरूले पनि यो वर्ष ग्रेड वृद्धि परीक्षामा सामेल हुन पाउने भएका छन् । त्यसका लागि मन्थली–को नागकन्या मावि गढवारीलाई केन्द्र तोकिएको छ । यसका साथै सबै परिक्षा केन्दका हकमा आवश्यक कापी र स्टेस्नरि केन्द्रका लागि आवश्यक सुरक्षाकर्मि र जनशक्ति समेत पुगेर विहिबारबाट हुने परिक्षाका लागि सबै तयारी पुरा गरि सकिएको पनि प्रमुख गजुरेलले जानकारी दिनुभयो ।