रामेछाप काँग्रेस सभापति कान्छाराम निल्म्बनमा

नेपाली कांग्रेस रामेछाप सभापति पूर्णबहादुर तामाङ (कान्छाराम) निलम्बनमा परेका छन् । उनले पार्टि नेतृत्व विरुद्ध भ्रमपुर्ण र तथ्यहिन अभिब्यक्ति दिएको भन्दै नेपाली काँग्रेस केन्द्रीय अनुशासन समितिको निर्णय अनुसार उनी लाई निलम्बन गर्ने निर्णय गरेको पार्टिका कार्यवाहक मुख्यसचिव कृष्णप्रसाद दुलालले जानकारी गराए ।
सोहि आधारमा सभापति कान्छाराम माथि गत वैशाख ७ गते काँग्रेसको केन्द्रिय अनुशासन समितिले लिखित रुपमा स्पष्टीकरण माग गरेको थियो । कान्छारामले दिएको प्रारम्भक स्पष्टीकरण सन्तोषजनक नभएको भन्दै नदेखिएको र यस विषयमा थप अनुसन्धान गरी निर्णय तहमा पुग्नु पर्ने हुँदा हाललाई सभापति पदबाट निलम्बन गरिएको अनुशासन समितिले जानकारी गराएको छ।
अनुशासन समितिले भनेको छ ‘निज पूर्ण लाई सभापति पदमा राखिराख्दा अनुसन्धान कार्य प्रभावित हुने हुँदा नेपाली कांग्रेसको विधान २०१७ (संशोधन सहित) को धारा ३४ (८) (ङ) तथा ऐ. नियमावली, २०७६ को नियम २८ (३) बमोजिम अनुशासन उल्लघंन गरेको कसुरमा छानविन पुरा नहुन्जेल सम्मका लागि रामेछाप जिल्लाको सभापति पदमा रहेर कामकाज गर्न नपाउने गरी निलम्वन गर्ने निर्णय गर्दछ,’।