मन्थली,८ असार । मन्थली नगर पालिकाले आगामी आर्थिक वर्ष २०८३/८४ का लागि १ अर्व ३ करोड २० लाख १५ हजार बरावरको आम्दानी तथा खर्चको प्रक्षेपण सर्वजनिक गरेको छ ।
æशिक्षित , स्वस्थ र ब्यवसायिक शहर, ः उत्थानशिल र समृद्ध मन्थली नगर भन्ने मूल नाराका साथ सोमबार मन्थली नगरसभाको १९ औं अधिबेशनका अवसरमामा उप–प्रमुख इश्वरी बस्नेतले उक्त रकम बरावरको आम्दानी तथा खर्चको विवरण प्रस्तुत गर्नु भएको थियो । जस अन्तर्गत चालु तर्फ ७४ प्रतिशत र पूँजीगत तर्फ २६ प्रतिशत बजेट विनियोजन गरिएको जनाइएको छ । उक्त रकम गत वर्षको तुलनामा १ करोड ४५ लाख ४९ हजार कम भएको मन्थली नगरपालिकाका प्रमुख प्रशासकिय अधिकृत देबर्षि सापकोटाले बताउनुभयो ।
उहाँले भन्नुभयो– चालु आर्थिक वर्षमा नगरको आन्तरिक आम्दानी घटेका कारण गत बर्षको तुलनामा अागामी वर्षकालागि बजेट विनियोजन कम हुन गएको हो ।
सो अवसरमा मन्थली नगरपालिकाका प्रमुख लव श्रेष्ठले सार्वजनिक सेवा प्रवाह तथा क्षमता विकास, सुसाशनका, सामाजिक विकासका, आर्थिक विकास, पूर्वाधार, वन वातावरण र न्यायिक समितिका नीति तथा कार्यक्रमहरुको सार्वजनिक गर्नु भएको थियो ।
कार्यक्रम अन्तर्गत स्वास्थ्य, शिक्षा, कृषि तथा पशु पालन, पूर्बाधार विकास , रोजगारी सृजनालाई क्रमशः प्रथमिकतामा राखिएको छ । नगर प्रमुख लव श्रेष्ठको अध्यक्षतामा सम्पन्न उक्त सभाले आगामी आ ब २०८३/८४ को नीति तथा कार्यक्रम र पूँजीगत र चालु बजेट साथै चालु आ.ब.को र पुँजीगत र चालु अन्तर्गत खर्च भएको बजेटको समेत अनुमोदन गरेको छ ।
यो बारेमा तपाईको प्रतिकृया