रामेछाप ४, मंसीर । मंसिर ५ र ६ गते दुई दिन सम्म सँचालन हुन लागेको रामेछाप‘सम्पदा पद मार्ग’को तयारी पुरा भएको छ ।
रामेछाप नगरपालिका भित्र रहेका धार्मिक, ऐतिहासिक, पुरातात्विक तथा उच्च पर्यटकीय सम्भावना बोकेका स्थलहरूको प्रचारप्रसार गरि आन्तरिक तथा वाह्य पर्यटनहरुलाई आकर्षण गर्ने उद्देश्यले रामेछाप नगरपालिकाले उक्त पदमार्ग गर्न लागेको हो ।
सघिय गणतन्त्तको स्थापना सँगै सम्भवतः जिल्लामै पहिलो पटक हुन लागेको यस किसिमको पद यात्रामा सहभागि हुनका लागि आजै साँझ सम्म सबै पदयात्रीहरु रामेछाप बजारमा आईसक्ने आयोजक पक्षले जनाएको छ ।
शनिवार विहान ७ ः३० बजेबाट रामेछाप नगरपालिकाको कार्यालयबाट विधिवत रुपमा आरम्भ गरिने उक्त पद यात्राका लागि काठमाडौँ, भक्तपुर, ललितपुर, धनकुटा, धरान, सिन्धुली सहित रामेछाप जिल्लाका विभिन्न क्षेत्रका सरोकारवाला हरुको उपस्थिति हुने छन् । रामेछाप नगरपालिकाको आयोजना र सुर्यचका फाउण्डेसनको समन्वयमा हुन लागेको उक्त पद यात्राले रामेछाप नगरको आन्तरिक तथा वाह्य पर्यटन प्रवद्र्धनमा टेवा पुग्ने विश्वास लिइएको सुर्यचका फाउण्डेसनका अध्यक्ष अनिल लेकालीले जानकारी दिएका छन् ।












यो बारेमा तपाईको प्रतिकृया