मन्थली, १० भदौ । बुधवार विहान रसुवामा आएको बाढीका कारण रामेछाप जिल्लाका सम्पर्क विहीन भएका २६ जना मध्ये १ जनाको उद्धार भएको छ भने २५ जना अझै सम्पर्क विहीन रहेका छन् ।
उनीहरुको पारिवारीक स्रोत अनुसार– यसरी सम्पर्क विहीन हुनेहरुमा रामेछापको मन्थली नगरपालिका वडा नं –१ का सुन्दर श्रेष्ठ, वडा नं –५ का गुञ्जा बहादुर श्रेष्ठ, रामेछाप नगरपालिका वडा नं –१ गोठपानीका नवराज श्रेष्ठ, विक्की लामा, गुञ्ज श्रेष्ठ, वडा नं –३ का दिलबहादुर प्रधान, वडा नं –४ का नवराज आलेमगर, मिन आलेमगर र वडा नं –७ का विक्रम कार्की रहेका छन् ।
त्यसैगरी दोरम्बा शैलुङ गाँउपालिका वडा नं –१ का लाक्पा दोर्जे शेपा, पेन्जु लामा (बिशाल), वडा नं –२ का डम्बर बहादुर मगर, सूर्य बहादुर मगर र बम बहादुर मगर, वडा नं –४ की निरा थापा, वडा नं –६ का तारानाथ चौलागाँई रहेका छन् भने खाँडादेवी गाँउपलिका वडा नं –४ का उत्तम प्रसाई , प्रकाश मुंग्राती र वडा नं –८ का टलक बहादुर भण्डारी पनि बेपत्ता छन् ।
त्यस्तै गोकुलगंङ्गा गाँउपालिका वडा नं –४ का राजु गजमेर ( विजुल) , इश्वरी बहादुर खड्का (कुमार) रहेका छन् भने उमाकुण्ड गाँउपालिका वडा नं– १ का ङिमा शेर्पा, वडा नं – ३ का मधुकर कार्की, लिखु तामाकोशी गाँउपालिकाका वडा नं –५ का कुशल बुढाथोकी र बुद्धिमान लामा समेत यो समाचार तयार पार्दा सम्म सम्पर्क विहीन छन् । यस अघि बेपत्ताको सूचीमा रहेका गणेश वोहोराको भने उद्धार भएको छ ।
यो बारेमा तपाईको प्रतिकृया