रामेछाप- जिल्ला आयुर्बेद स्वास्थ्य केन्द्र रामेछापमा एक सय बढी जेष्ठ नागरिकले स्वास्थ्य परिक्षण तथा उपाचर गराएका छन् । कार्यालयले धनवन्तरी जयन्ती तथा राष्ट्रिय आरोग्य दिबस २०७६ को अबसर पारेर शनिबार जेष्ठ नागरिकहरुका लागि शिबिर नै सञ्चालन गरी स्वास्थ्य परिक्षणसँगै उपचार गरेको हो ।
आयुर्बेदका जन्मदाता धनवन्तरी जयन्ती तथा आरोग्य दिबसको आयोजना गरिएको शिबिरमा जिल्लाका सय भन्दा बढी जेष्ठ नागरिकले सेवा लिएको कार्यालय प्रमुख डा. निरज खतिवडाले बताउनुभयो ।उपचारका क्रममा जेष्ठ नागरिकहरुलाई तौल, सुगर, प्रेसर र अन्य रोगहरुको बारेमा जाँच गरिएको थियो । उनीहरुलाई स्वास्थ्य उपचार पछि रोग अनुसारको औषधि र भिटामिन निःशुल्क बितरण गरिएको कार्यालयका बरिष्ठ कविराज निरिक्षक दिपक कार्कीले बताउनुभयो ।
जिल्ला जेष्ठ नागरिक संघका जिल्ला अध्यक्ष नारायण दाश श्रेष्ठले यस्ता शिबिरले जेष्ठ नागरिकहरुको मनोवल बृद्धि भई आयुर्बेद कार्यलय प्रति सधै सकरात्मक धारणा बन्ने भएकोले यस प्रकारका कार्यक्रमहरु बार्षिक रुपमा मात्र नभइ अर्धबार्षिक रुपमा नै सञ्चालन गर्न सके राम्रो हुने बताउनुभयो ।
यो बारेमा तपाईको प्रतिकृया