गाडीमा बेवारिसे अवस्थामा भेटिएको अवैध घरेलु मदिरा नष्ट

११ मंसिर, २०७५

रामेछाप– रामेछाप प्रहरीले गाडीमा बेवारिसे अवस्थामा भेटिएको अवैध घरेलु मदिरा नष्ट गरेको छ ।
गत शनिबार रामेछापको मन्थली–६ सेलेघाटमा प्रहरीले सवारी चेकजाँच गर्ने क्रममा गाडीमा बेबारिसे अवस्थामा रहेको १२० लिटर अवैध मदिरा भेनेको थियो । प्रहरीले बेवारिसे अवस्थामा भेटेको मदिरा प्रहरीले नियान्त्रणमा लिएको र उक्त मदिर मंगलबार दिउँसो नष्ट गरिएको हो ।
कनूनी रुपमा घरेलु मदिरा विक्रिवितरण गर्न नपाउँने भएकाले मदिरा नष्ट गरिएको जिल्ला प्रहरी कार्यालय रामेछापले जनाएको छ । घरेलु मदिरा कै कारण समाजमा घरेलु हिसांका घटनाहरु घट्ने हुँदा घरेलु मदिरा नियन्त्रणको लागि प्रहरीले अभियान नै चलाएको जिल्ला प्रहरी कार्यालय रामेछापका प्रहरी प्रमुख अमरेन्द्र बहादुर सिंहले बताए । घरेलु मदिरा सेवानले समाजमा पार्ने असरको बारेमा समुदायसँग र स्थानीय तहसँग मिलेर कार्यक्रम गर्ने योजना रहेको सिंहले बताए ।
त्यस्तै तिहार ताका सवारी चेक जाँच गर्ने क्रममा आवैध रुपमा भेटिएको ८० प्याकेट साना पटका विष्फोटक पदार्थ पनि प्रहरीले नष्ट गरिएको छ ।
जिल्ला प्रशासन कार्यालय रामेछाप, कोष तथा लेखा नियन्त्रक कार्यालय, रामेछाप उद्योग बाणज्य संघ र नेपाल पत्रकार महासंघका प्रतिनिधिहरुको रोवहरमा जिल्ला प्रहरी कार्याल्य परिसरमा अवैध घरेलु मदिरा र विष्फोटक पदार्थ नष्ट गरिएको हो ।