रामेछाप- रामेछाप जिल्लामा भूकम्प पछि बनेका अधिकासं नीजि आवस प्रयोग बिहिन भएको निष्कर्ष निस्केको छ । ट्रान्सपरेन्सी इन्टरनेशनल नेपाल रामेछापले मंगलबार भूकम्प पछिको पुनर्निर्माण र पुनःस्थापनामा सदाचार सम्बन्धी पत्रकारसँग गरेको छलफल कार्यक्रममा भूकम्प पछि निर्माण सम्पन्न भएका अधिकासं घरहरु भूकम्प पीडितले प्रयोग नगरेको निष्कर्ष सहितको प्रतिवेदन सार्वजनिक गरेको हो ।
निर्माण सम्पन्न भएका भूकम्प प्रतिरोधत्माक घरमा अन्य सामाग्री राखेर पीडितहरु जोखिमयुक्त घरमा बस्दै आएको भूकम्प पछिको पुनर्निर्माण र पुनःस्थापनामा सदाचार परियोजनाका जिल्ला अधिकृत दिपक केसीले बताउनुभयो । त्यस्तै गाउँमा परिवार सहित बस्न नमिल्ने एक कोठे घर बनेका, बास्तविक भूकम्प पीडितहरु अझै पनि लाभग्राही सूचीमा नपरेको, स्थानीय जनप्रतिनिधिहरु र पुनर्निर्माण सम्बद्व निकायहरुबीच सहकार्य नभएको लगायतका समस्याहरु देखिएको ट्रान्सपरेन्सीको निष्कर्ष रहेको छ ।
पुनर्निर्माणकमा देखिएका विभिन्न समस्या समधानको लागि ट्रान्सपरेन्सी इन्टरनेशनल नेपाल रामेछापले जिल्ला र केन्द्रिय तहका पुनर्निर्माण सम्बद्व निकायहरुलाई जानकारी गराईएको पनि अधिकृत केसीले बताउनुभयो ।
जिल्ला अधिकृत दिपक केसीले जिल्लामा भूकम्प पछिको पुनर्निर्माण र पुनःस्थापनामा सदाचार परियोजनाले ८ महिनाको अवधीमा जिल्लामा गरेको कामको प्रगति विवरण पनि प्रस्तुत गर्नुभएको थियो ।
कार्यक्रमका अध्यक्ष एवं नेपाल पत्रकार महासंघ रामेछापका अध्यक्ष रमेश ढुंगेलले जिल्लामा पुनर्निर्माणमा देखिएका समस्यालाई समधानको लागि सबै सरोकारवाला निकायहरुले ध्यान दिनु पर्नेमा जोड दिनुभयो । त्यस्तै उहाँले सार्वजनिक महत्वका संरचना निर्माणमा पारदर्शिताको लागि पारदर्शिताका सवाललाई ट्रान्सपरेन्सीले उठाउनु पर्नेमा पनि जोड दिनुभयो । कार्यक्रममा जिल्लाका पत्रकारहरुको सहभागिता रहेको थियो ।
यो बारेमा तपाईको प्रतिकृया