रामेछाप– रामेछापको दोरम्बा गाउँपालिका–२ दोरम्बामा रहेको श्री काकलिङ माविका पूर्व विद्यार्थीहरुको भेलाले काकलिङ पूर्व विद्यार्थी समाज गठन गरेको छ । काकलिङ माविमा अध्ययन गरेका पूर्व विद्यार्थीहरु रहने गरी मिलन कुमार घिसिङको संयोजकत्वमा १९ सदसिय तदर्थ समिति गठन गरेको हो ।
काकलिङ माविको भौतिक, आर्थिक, नैतिक शिक्षा सुधारसँगै विद्यालयमा अध्ययनरत विद्यार्थीहरुको भविष्यलाई समेत दिर्घकालिन फाइदा पुर्याउने उद्देश्यले गुणस्तरिय शिक्षालाई अभिबृद्धि गराउन समिति गठन गरिएको समितिका सदस्य नोर्वु योञ्जनले जानकारी दिनुभयो । उहाँका अनुसार विद्यालयको हरेक कुरालाई पारदर्शिता बनाउन सहयोग गर्ने र नमूना विद्यालय बनाउनको लागि समितिले विभिन्न सहयोग गर्ने छ ।
शनिबार काठमाण्डौको नयाँबानेश्वरमा गठन भएको तदर्थ समितिको सदस्यहरुमा धन बहादुर तामाङ, डेनो थिङ, कर्म सिंह योञ्जन, सिंहराज योञ्जन,गंगलाल श्रेष्ठ, फिरोज कुमार श्रेष्ठ, रविन योञ्जन, केशरमान विश्वकर्मा, ओम बहादुर मोक्तान, मिङमा योञ्जन लामा, नोर्वु योञ्जन, यम कुमार योञ्जन, रुपसागर लामा, विर्ख बहादर रजान मगर, नारायण श्रेष्ठ, सन्तोष योञ्जन लामा, पदम विश्वकर्मा र रञ्जित मोक्तान रहेका छन् ।
समितिले विद्यालयको शैक्षिक सुधार र विद्यार्थी हकहितको लागि १२ बुदे काठमाडौ घोषणापत्र समेत जारी गरेको छ ।
यो बारेमा तपाईको प्रतिकृया