रामेछाप- रामेछाप नगरपालिकामा कोरोना विरुद्ध लड्ने गरी नगरकार्यपालिकाको बैठकले तीन महत्वपूर्ण निर्णय गरेको छ । मंगलबार बसेको नगरकार्यपालिकाको बैठकले कोरोना भाइरस कोभिड १९ रोकथाम, नियन्त्रण र क्वारेन्टाइन संचालन तथा व्यवस्थापन सम्बन्धी कार्यविधि स्वीकृत गर्ने निर्णय सहित तीन निर्णय गरेको हो ।
स्वीकृत कार्यविधि अनुसार नगरका ९ ओटै वडाका साविकका सबै वडामा तत्काल सहजकर्ता नियुक्ती गरेर यो लकडाउनको अवधिभर काम गर्न नसकिने हुँदा खान नपुग्ने परिवारको पहिचान गर्दै तथ्यांक संकलन गरिने निर्णय पनि बैठकले गरेको छ । यसरी तथ्यांक संकलन पछि त्यहि तथ्यांकको आधारमा उनिहरुको समस्या समधान हुने गरी फेरि कार्यपालिकाको बैठक बसेर प्याकेजमै कार्यक्रम गाउँमा लगिने नगर प्रमुख नर बहादुर थापामगरले बताउनुभयो ।
यतिबेला नगरबासीहरु कोरोनाको त्राससँगै घरबाट बाहिन नै निस्किन नमिल्ने गरी सरकारले लगाएको लकडाउनको कारण निकै ठूलो समस्यामा परेका छन, यस्तो बेला स्थानीय सरकारले उहाँहरुलाई केही राहात हुने काम गर्नु हाम्रो जिम्मेवारी हो, ‘नगर प्रमुख थापामगरले भन्नुभयो, त्यसैले पनि हामीले नगरबासीलाई यो कोरोना भाइरसबाट बचाउने गरी विभिन्न अभियानहरु चलाइरहेका छौँ ।’
छिमेकी मुलुक भारत र अन्य राष्ट्रबाट आएका नगरबासीहरुलाई खोजेर उहाँहरुकै होम क्वारेन्टाइनमा राखेर स्वास्थ्यकर्मीको प्रत्यक्ष सहभागितामा उच्च निगरानी भइरहेको पनि नगर प्रमुख थापामगरले बताउनुभयो । मंगलबार बिहान सम्ममा २५ जना पम्पर्कमा आइसकेको र मंगलबार बेलुका सम्ममा सबै वडाको तथ्यांक आइसक्ने समेत उहाँले बताउनुभयो ।
यो बारेमा तपाईको प्रतिकृया