रामेछाप, २ फगुन । वर्तमान प्रधामन्त्री केपी शर्मा ओलीले चालेको कदमको विरोध गर्दै प्राजातान्त्रिक विचार समाज रामेछापले आइतवार जिल्ला प्रशासन कार्यालय रामेछापमा विरोध पत्र बुझाएको छ ।
समाजका अध्यक्ष नारायण बहादुर बोगटीले प्रमुख जिल्ला अधिकारी अर्जुन कुमार शर्मा गँुरागाँइलाई उक्त बिरोध पत्र बुझाउनु भएको हो ।
विरोध पत्रमा लोकतान्त्रिक राज्यमा हरेक समस्याको निकास लोकतान्त्रिक बिधि, प्रकृया र संविधान प्रदत्त अधिकारको प्रयोग मार्फत गर्नु राज्यका हरेक अंग र पदाधिकारीहरुको संवैधानिक एबं राजनैतिक प्रणलीप्को भएपनि आफ्नो दल भित्रको आन्तरीक समस्यालाई कारण देखाएर लोकतान्त्रिक प्रणालीका बर्खिलापमा उभिने, संविधानमा हुँदै नभएको धारा प्रयोग गरी जनप्रतिनिधि मुलक संस्थाको बिघटन गर्र्ने,संस्थागत विकासको प्रकृयामा रहेको संघिय लोकतान्त्रिक गणतन्त्रको संविधान माथि प्रहार गर्ने सरकारको यस किसिमको कदमले लोकतन्त्र कमजोर भएको कुरा उल्लेख गरिएको छ ।
समाजका केन्द्रीय अध्यक्ष डा. केदार नरसिंह के शी, प्रदेश अध्यक्ष भरत प्रसाद दवाडी र जिल्ला अध्यक्ष नारायण बोगटि द्वारा हस्ताक्षरीत विरोध पत्रमा यस प्रकारको अलोकतान्त्रिक असंवैधानिक र सर्वसत्तावादि कदम सच्याउदै देशलाई संविधानको लोकतान्त्रिक दिशामा फर्काउन आग्रह गरीएको छ । देशभर आज एक साथ बुझाउने कार्यक्रम अन्तर्गतको बिरोध पत्र बुझ्दै प्रजिअ गुँरागाँइले सम्बन्धीत निकायमा यो विरोध पत्र जस्ताको तस्तै तत्काल पठाइदिने वताउनुभयो ।
यो बारेमा तपाईको प्रतिकृया