रामेछाप २४ पुष । रामेछाप जिल्लाको एक मात्र दुग्ध सहकारी संस्था को तेस्रो बार्षिक साधारण सभा मन्थलीमा सम्पन्न भएको छ ।
संस्थाकी अध्यक्ष डुकुना घिमिरेको अध्यक्षतामा सम्पन्न उक्त साधारण सभाले संस्थाको अर्थिक तथा सांगठनिक प्रतिवेदन पास गरेको छ ।
कार्यक्रमका अबसरमा बोल्दै प्रमुख अतिथि एबं मन्थली नगरपालिकाका नगर प्रमुख रमेश कुमार बस्नेतले दुध उत्पादन गरेर बिक्रि गर्ने कृषकहरुलाई नगरपालिकाले प्रति लिटर २ रुपैया अनुदान दिदै आएको भएपनि त्यसको सिमा बृद्धि गर्न आफु लागिपरेको बताउनुभयो ।उहाले दुग्ध सहकारीका शेयर सदस्यहरुले निरास हुनुनपर्ने भन्दै नगरपालिकाले अझै सहयोग गर्ने आस्वासन दिनुभयो । सो अबसरमा बोल्दै भेटेनरी अस्पताल तथा पशु सेवा बिज्ञ केन्द्र सिन्धुलीका प्रमुख डा हरिकुमार श्रेष्ठले आफुले चाँहदा चाँहदै पनि कर्मचारीको अभाबमा रामेछापमा पर्यात सेवा दिन नसकेको स्वीकार गर्नु भयो । उहाले बागमती प्रदेश अन्तर्गतका १३ जिल्ला मध्ये ८ वटा जिल्लामा मात्र बिज्ञ केन्द्र रहेकोले रामेछापमा पनि बिज्ञ केन्द्र राख्न सबैले पहल गर्न आग्रह गर्नुभयो ।
सो अबसरमा नेपाल पत्रकार महासंघ बागमती प्र्रदेशका कोषाध्यक्ष रमेश ढुंगेल, जिल्ला अध्यक्ष बद्री नयाँघरे, रामेछाप उद्योग बाणिज्य सघका अध्यक्ष केशब प्रसाद घिमिरे, डेरी संञ्चालक भानुभक्त श्रेष्ठ लगाएतले छोटो समयमै राम्रो प्रगति गरेको भन्दै आगामि दिनमा पनि अझ प्रगति गर्न आग्रह गर्नुभएको थियो ।कार्यक्रमका अबसरमा कृषकहरुको तर्फबाट बोल्दै दुग्ध कृषक कृष्ण बहादुर कार्कीले दुग्ध कृषकहरु जहिले पनि सर्बसाधारण बाट मात्र नभएर राज्य बाट हेपिने गरेको, अनुदानका रकमहरु टाठा बाठाले खाने गरेको र पावरका वरीपरि घुम्नेले बिभिन्न योजना पार्ने तर आफ्नो कृषि कर्म गर्नेहरुले योजना पार्न नसक्ने गरेको प्रति गुनासो ब्यक्त गर्नुभयो ।
यो बारेमा तपाईको प्रतिकृया