रामेछाप,१२ फागुन । रामेछाप जिल्ला सहकारी संघले बिहिवार रामेछापका प्रमुख जिल्ला अधिकारी मार्फत भुमि ब्यवस्था,सहकारी तथा गरिबि निवारण मन्त्री लाई ध्यानाकर्षण पत्र बुझाएको छ ।
सहकारी संघका अध्यक्ष हिमाल ढुंगेलको नेतृत्वमा जिल्ला प्रशासन कार्यालय पुगेको टोलीले ब्याजदर पुनरावलोकन सम्बन्धीको ध्यानाकर्षण पत्र प्रजिअ लाई बुझाएको हो ।
उक्त पत्रमा बैक तथा बित्तिय संस्थाहरुमा तरलताको अभाव भई बचतमा दिने ब्याजदर बृद्धिगरेसँगै सहकारी संघ संस्थाका लागि तोकिएको ब्यजदरको कारण समग्र सहकारी संस्थाको ब्यवस्थापनमा चुनौति बढ्दै गएको र कारोवारमा गम्भिर असर परेका कारण तत्काल ब्यजदर पुनरावलोकन गर्न माग गरिएको छ ।संस्थाका अध्यक्ष हिमल ढुंगेल द्धारा हस्ताक्षरित उक्त पत्रमा सहकारी ऐन र नियममा भएको ब्याजदर अब्यवहारिक भएकोले पुनरावलोकन गरिनुपर्ने, खुल्ला बजार ब्यवस्था अनुसार बजारको ब्यजदर निर्धारण गर्ने बिधि अनुरुप कम्तिमा ६ प्रतिशत स्प्रेडदर कायम गरी ब्यजदरलाई स्वचालित परिवर्तन हुने ब्यवस्था मिलाउनु पर्ने र उल्लेखित ब्यवस्था नहुन्जेल सम्म ऋणको ब्याजदर बढिमा १७ प्रतिशत सम्म लिन सकिने ब्यवस्था हुनुपर्ने लगाएतका मागहरु रहेका छन् ।
ध्यानाकर्षण पत्र बुझाउने कार्यक्रममा रामेछाप जिल्ला सहकारी संघका कार्यसमितिका पदाधिकारी एबं सदस्यहरु र सल्लाहकार सदस्यहरु समेतको सहभागिता रहेको थियो ।
ध्यानाकर्षण पत्र बुझ्दै प्रजिअ दिपक कुमार पहाडीले आफुले बुझेको ध्यानाकर्षण पत्र आजै सम्बन्धीत निकायमा पठाइदिने बताउनुभयो ।
यो बारेमा तपाईको प्रतिकृया