मन्थली, १४ फागुन । श्री अम्बर आदर्श बचत तथा ऋण सहकारी संस्था रामेछाको बिषेष बैठक मन्थली नगरपालिका वडा नं– १ को कालेआँपमा सम्पन्न भएको छ ।
संस्थाका अध्यक्ष कृष्ण बहादुर थापाको अध्यक्षतामा सम्पन्न उक्त बैठकले महेश्वर कर्माचार्यको संयोजकत्वमा गुञ्ज कार्की र बिन्दा थापा सहितको ३ सदस्यीय सल्लाहकार समिति गठन गर्नुका साथै इश्वरी कुमार श्रेष्ठलाई कानुनी सल्लाहकारमा मनोनित गरेको छ । उक्त बैठकमा जिल्ला सहकारी संघ रामेछापमा नव निर्बाचित अध्यक्ष हिमाल ढुंगेलको टिम लाई बधाई एबं सफल कार्यकालको शुभकाना ब्यक्त गर्ने निर्णय गरिनुका साथै संस्थाको हक हितका लागि आबश्यक पर्ने बिभिन्न निर्णयहरु गरिएको छ ।
सो अबसरमा बोल्दै जिल्ला सहकारी संघ रामेछापका अध्यक्ष ढुंगेलले सहकारीमा लाग्नेहरु दैनिक रुपमा वर्तमान प्रबिधि र मन्त्रालय एबं बिभागहरुले जारी गरेको परित्र र ं निर्णयहरुमा अपडेट हुनुपर्ने बताउनुभयो । उहाले सहकारी बिभागले सहकारीको हित बिपरीत गरेका बिभिन्न किसिमका निर्णयहरु को खारेजीको माग गर्दै केहि दिन अघि जिल्ला सहकारी संघले प्रमुख जिल्ला अधिकारी मार्फत भुमि ब्यवस्था सहकारी तथा गरिवि निबारण मन्त्रीलाई ध्यानाकर्षण पत्र बुझाएको बताउनुभयो ।
बैठकका अबसरमा नेपाल पत्रकार महासंघ रामेछापका अध्यक्ष बद्रि नयाँघरेले सहकारीहरुले आफ्नो कार्यालय बाहिर बैठक राख्ने कामको सुरुवात गर्न थालेकोमा खुसी ब्यक्त गर्दै यस्ता कामले सहकारी प्रतिको मोह बृद्धि हुनुका साथै कार्यसमितिका पदाधिकारी र सदस्यहरुलाई बढि जागरिलो पार्ने बताउनुभयो ।
उहाले प्राय सबै सहकारीमा भाखा नाघेको ऋणले सञ्चालकहरुलाई तनाव दिइरहने हुँदा ऋण लगानी गर्दा असाध्यै ध्यान पुर्याउनुपर्ने कुरालाई जोड दिनुभएको थियो ।
यो बारेमा तपाईको प्रतिकृया