रामेछाप १० जेठ । लिखुतामाकोसी गाउँपालिकाका नवनिर्वाचित अध्यक्ष केशव महतले सोमबार बाट कार्यभार सम्माहालेका छन् ।उनले पालिकाले आयोजना गरेको औपचारिक कार्यक्रमका विच आफनो उपाध्यक्ष दीपा पाख्रिन समेतको उपस्थितिमा प्रमुख पदको कार्यभार सम्हालेका हुन् ।
आफनो जिम्मेवारी संहाल्दै अध्यक्ष महतले सवै दल र पक्ष संगको समन्वयमा पालिकालाई विधि र नितिका आधारमा सम्बृद्ध पालिकाका लागि आफनो अभियान केन्द्रित हुने पनि बताए । कुशासन र अनियमितता मेरा लागि मुख्य शत्रु भएकोले ति शत्रु संग लड्नका लागि सबैलाई सहयोग गर्न पनि आग्रह गरे । उनले त्यसकालागि आवश्यक शक्ति र नैतिक बल जनताबाट प्राप्त भएकोले सोहिका आधारमा आफुले अगाडि बढ्ने प्रतिबद्धता पनि ब्यक्त गरे ।
विगतमा आफनो पालिका शुसासन र पद्दतीमा पछाडी पर्दा पालीकाको विकासमानै बाधा पुगेको भन्दै विगतमा भए गरेका सबै कमि कमजोरीलाई हटाएर पालीकाको विकासमा लाग्नका लागि सबै वडाध्यक्ष सदस्य र कर्मचारिहरुलाई पनि आग्रह गरे । गत कार्यकालमा भएका कामको मुल्याङकन गरिने बताउदै नागरिकलाई महशुस हुने गरी सेवा प्रवाह गर्ने कार्यलाई पहिलो प्राथमिकता दिइने पनि अध्यक्ष महतले बताए ।
पदभार ग्रहण गर्दे अध्यक्ष महतले भने,‘अघिल्लो कार्यकालमा जनप्रतिनिधिहरुबीचकै विवादको कारण पालिकाले भनेजस्तो विकासको प्रतिफल दिन सकेन, यस पटक हामी विगतको कामको समिक्षा गरेर विधि र पद्दतीका आधारमा पालिकाको संबुद्धिका लागि आफुहरुले काम गर्नै पनि महतले बताए । उनले भने नागरिकले पालिकामा सबै दलको प्रतिनिधित्व हुने गरी जनमत दिएको बताउदै आफुले पनि सबै राजनीतिक दलहरुसँगको समन्वयमानै काम गर्न चाहेको बताए । पालिकाले अब विकास निर्माणको कामलाई गति दिने गरी योजना निर्माण गछौ र सोहि आधारमा जनतालाई परिवर्तनको आभाष हुने गरि पालिकाले काम गर्ने पनि महतले बताए । कार्यक्रममा महतले आफनो पालीकाका सवै वडाध्यक्ष र सदस्यहरुलाई पद तथा गोपनियताको सपथ ग्रहण पनि गराएका थिए ।
यो बारेमा तपाईको प्रतिकृया