रामेछाप । गोकुलगंगा गाउँपालिकाका नव निर्वाचित अध्यक्ष काजीबहादुर खड्का दिनेशले आफना नागरिकहरुको मन जित्ने गरि काम गर्र्ने प्रतिबद्धता ब्यक्त गरेका छन् । सो कुरा उनले बुधबार पालीकामा अध्यक्ष,उपाध्यक्ष तथा नयाँ जन प्रतिनीधिहरुका लागि आयोजित पदभार ग्रहण कार्यक्रममा बताएका हुन् । आफुलाई गोकुलगंगा गाउँपालिकाका नागरिकहरुले ५ बर्षका लागि सेवकका रुपमा काम गर्न पठाएको उनले त्यसका लागि जन प्रतिनिधि र कर्मचारी साथि सबैलाई सहयोग गर्न पनि पनि आग्रह गरे । उनले कर्मचारी हरुलाई पनि जन प्रतिनिधिको जस्तै जनताको सेवकको रुपमा काम गर्न पनि आग्रह गरे । उनले आफु युवा भएको र युवा भएकै कारणले नागरिकहरुले पनि आफुबाट धेरै अपेक्षा गरेकोले त्यसका लागि आफुले फाष्ट टयाकबाट जान चाहेको पनि बताए । समग्र पालीकाको विकास र संबृद्धिका लागि जन प्रतिनिधि लगाएत सबै संगको समन्वयमा आफुले योजना बनाउने र सोहि योजनालाार्इँ फाष्टटयाक मार्फत कार्यान्वयन गर्नु पर्ने भएकोले पनि सोहि गतिमा सबैलाई सहयोग गर्न पनि खड्काले आग्रह गरे ।
आफनो पालिकाका वडाध्यक्ष लगायत निर्वाचित सबै जन प्रतिनिधिहरुलाई बुधबारै उनले सपथ ग्रहण गराए । खड्काले आफनो कार्यभार ग्रहणका क्रममा पालिका भित्रका सुत्केरी महिलालाई निशुल्क एम्बुलेन्स सेवा प्रवाह गर्नै र जेष्ठ नागरिकलाई सम्मान गर्ने निर्णयमा पनि हस्ताक्षर गरेका छन्
गाउँ कार्यपालिकाको कार्यालयले बुधबार आयोजना गरेको नवनिर्वाचित जनप्रतिनिधिहरुलाई बधाई तथा स्वागत कार्यक्रममा निवर्तमान अध्यक्ष र उपाध्यक्ष भने अनुपस्थित रहेका थिए । निवर्तमान अध्यक्ष र उपाध्यक्षले जिम्मेवारी हस्तान्तरण गर्नु पर्ने भए पनी उनीहरु भने कार्यक्रममा अनुपस्थित रहे ।
अध्यक्ष खड्काले नव निर्वाचित वडा अध्यक्ष र सदस्यहरुलाई पद तथा गोपानीयताको सपथ ग्रहण गराएका थिए । गाउँपालिकामा अध्यक्ष उपाध्यक्ष सहित ४ वडामा प्यानल र एक वडामा ४ सदस्यमा कांग्रेसले जित हात पारेको छ भने पालिकामा एकल बहुमत बनाएको छ ।
यो बारेमा तपाईको प्रतिकृया