रामेछाप । १३ बर्षिय बालिकालाई जबरजस्तीकरणी गरेको आरोपमा थुनामा परेका ६२ बर्षका बृद्धलाई जिल्ला अदालत रामेछापले थप एक हप्ताका लागि म्याद थप गरेको छ । रामेछाप नगरपालिका–४ हिमगंगाकि सुस्तमनस्थितिकी १३ बर्षिय बालिकालाई असार १ गते फकाएर आफ्नै घरमा ल्याएर जबरजस्तीकरणी गरेको आरोपमा पक्राउ परेका हिमगगा सुन्लेटारका ६२ बर्षिय श्याम प्रसाद घिमिरेलाई अदालतले थप अनुसन्धानका लागि म्याद थप गर्न आदेश दिएको हो ।
बालिकालाई पटक पटक जबरजस्तीकरणी गर्दै आएका घिमिरेले घटनाका बारेमा कसैलाई भनेमा मार्ने सम्मको धम्की दिने गरेको पारिवारीक श्रोतले बताएको छ । ६२ बर्षिय घिमिरेले बालिकालाई पटक–पटक जबरजस्तीकरणी गरेको पीडित परिवारले थाहा पाएपछि सूचनाको बास्तविक विवरण बाहिरिएको थियो ।
पीडित परिवारले प्रहरीलाई दिएको किटानी जाहेरिमा उक्त आरोप उल्लेख गरिएको जिल्ला प्रहरी कार्यालय रामेछापका प्रमुख प्रहरी नायब डिएसपी राजकुमार थिङले जानकारी दिए । जबरजस्तीकरणी गरेको कुरा बाहिर आएपछि फरार रहदै आएका घिमिरेलाई प्रहरीले पक्राउ गरेर अदालतमा म्याद थप गरेको म्याद थपका आधारमा थुनामा राखेर अनुसन्धान सुरु गरिएको जनाएको छ ।
उनका अनुसार आरोपिलाई दोस्रो पटक ७ दिन म्याद थप गरेर बालयौन दुरुपयोगको मुद्दामा अनुसन्धान भइरहेको पनि प्रहरीले जनाएको छ । पीडित बालिकाले आफूमाथि पटक–पटक घिमिरेले जबरजस्तीकरणी गरेको घटना परिवारलाई जानकारी गराएपछि परिवारले प्रहरी समक्ष उजुरी दिएको र सोहि आधारमा अनुसन्धानको कामलाई दु्रत रुपमा अगाडि बढाईएको पनि प्रहरीले जनाएको छ ।
अनुसन्धानका क्रममा देखि जान्ने सुनि जान्ने र छिमेकि अफन्त संग सोध पुछ गर्ने काम भईरहेको पनि बताईएको छ । उनलाई जर्बजस्ती करणी सम्बन्धि मुद्धा चलाईएको पनि प्रहरीले जनाएको छ । घिमिरेले अर्काै कर्तुत समेत गरेको भन्दै आफुहरुले अर्काे मुद्धाको तयारी गरेको र चाँडै त्यसको विवरण सार्वजनिक गर्ने तयारी भईरहेको एक स्थानियले जानकारी दिए ।
यो बारेमा तपाईको प्रतिकृया