रामेछाप, १७ असार । जिल्ला सहकारी संघ रामेछापको आयोजनामा सहकारी शिक्षा तथा रणनितीक योजना तर्जुमा गोष्ठी शुक्रवार बाट सुरु भएको छ । दुई दिन सम्म चल्ने बताइएको सो कार्यक्रमको उद्घाटन जिल्ला समन्वय समितिकी प्रमुख चिना कार्की खड्काले गर्नु भएको थियो ।
संघका अध्यक्ष हिमाल ढुंगेलको अध्यक्षतामा सम्पन्न उक्त कार्यक्रमका अबसरमा प्रमुख अतिथि कार्की, सहकारी अभियान्ता गोबिन्द घिमिरे र नेपाल पत्रकार महासंघ रामेछापका अध्यक्ष बद्रि नयाँघरेले सरकारले ल्याएको बिकास निर्माणको मोडेल मध्येको ३ खम्बे नीति अन्तर्गत सहकारीको बिकास पनि एउटा खम्बा भएकोले सहकारीको बिकास वाट नै मुलुकलाई समृद्ध बनाउन सकिने कुरालाई जोड दिएका थिए ।
मन्थली नगरपालिकाको आर्थिक सहायोग र राष्टिय सहकारी महासंघ नेपालको प्राबिधिक सहयोगमा आयोजना गरिएको उक्त कार्यक्रमका अबसरमा ४ बर्षे रणनितीक योजना निर्माण भइरहेको छ । उक्त योजना निर्माणका लागि राष्ट्रिय सहकारी महासंघ नेपालका केशब पोखरेलले सहजीकरण गरिरहनु भएको छ ।
संघले ४ बर्षे रणनितिक योजना निर्माण पश्चात सोही योजनालाई आधार मानेर आबश्यक कृयाकलापहरु सञ्चालन गरी सहकारी संघ हरुको बिकासलाई सहायोग गर्ने र जिल्लाभर भएका करिव ४२० बटा बिभिन्न सहकारी संस्थहरुलाई संघमा आबद्ध गराई उनीहरुको संरक्षण सम्बद्र्धन र सुरक्षाको लागि बिभिन्न गतिवधिहरु संञ्चालन गर्ने तयारी भैरहेको संघका सचिब नविन के सी ले बताउनुभयो ।
यो बारेमा तपाईको प्रतिकृया