रामेछापमा नेकपा एसद्धारा गठबन्धन बिरुद्ध छुट्टै उमेद्वारी

रामेछाप २३ असोज । आगामी मंसिर ४ गते मुलुक भर हुन लागेको निर्वाचनमा पाँच वटा पार्टिको गठबन्धन लाई चुनौति दिँदै नेकपा एकिकृत समाजवादीले आफनो पार्टिको तर्फबाट आधिकारीक रुपमा उमेद्वारी मनोनयन गरेको छ । उसले आफनो पार्टिका पोलिट ब्यूरो सदस्य देव शंकर पौडेललाई प्रतिनिधि सभा सदस्यका लागि मनोनयन दर्ता गराएको हो । त्यसैगरि पार्टिका जिल्ला अध्यक्ष रमेश कुमार बस्नेतले प्रदेश सभा क का लागि एबं नेता झम्क कडेलले प्रदेश सभा ख का लागि मुख्य निर्वाचन अधिकेतको कार्यालयमा पुगेर उमेद्वारी दर्ता गराएका हुन ।
यसरी उमेद्वार दर्ता गराउनेमा नेकपा एसका पोलिटब्यूरो सदस्य देव शंकर पौडेलले प्रतिनिधि सभा सदस्यका लागि र जिल्ला अध्यक्ष समेत रहेको रमेश कुमार बस्नेतले प्रदेश सभा क का लागि एबं कानुन ब्यवसायी समेत रहेका जिल्ला नेता झम्क कडेलले प्रदेश सभा ख का लागि उमेद्वारी दर्ता गराएका हुन ।
उनिहरुले पार्टिका केन्द्रिय अध्यक्ष माधब नेपालको हस्ताक्षर अंकित पार्टि टिकटमा आफनो उमेद्वारी दर्ता गराएपछि रामेछाप गठबन्धनमा खैलाबैला मचिएको छ । सो पर्टिले आफुहरु गठबन्धनको पक्षमा रहेको भएपनि गठबन्धनका घटक नेपाली काँग्रेस र एकिकृत माओवादी पार्टिको हेपाहा र चेपाह प्रबृतिका कारण आफनो पार्टिले गठबन्धन विरुद्ध छुट्टै उमेद्वारी दर्ता गराएको नेकपा एस का पोलिटब्यूरो सदस्य एवं संघिय उमेद्वार देब शंकर पौडेलले जानकारी दिनु भयो । उहाँले भन्नु भयो अब हाम्रो उमेद्वारी पार्टिको निर्देशन र आदेश आएपनि कुनै हालतमा फिर्ता हुने छैन् ।