रामेछाप प्रशासनद्धारा मदिराको बिक्री वितरणमा रोक

रामेछाप २३ कात्तिक । जिल्ला प्रशासन कार्यालय रामेछापले मंसिर ४ गते हुन लागेको प्रतिनिधि सभा सदस्य र प्रदेश सभा सदस्य निर्वाचनलाई रामेछापमा आसन्न निर्वाचनलाई लक्षित गर्दै मदिरा जन्य पदार्थ जाँड, रक्सी लगायत बिक्री वितरणमा रोक लगाइएको छ ।
जिल्ला प्रशासन कार्यालय रामेछापको मंगलबार सम्पन्न बैठकले प्रदेश सभा सदस्य निर्वाचनलाई स्वच्छ, निष्पक्ष, पारदर्शी र भयरहित वातावरणमा सुसम्पन्न गर्ने सहज होस र निर्वाचन आयोगद्धारा जारी आचारसंहितालाई पूर्ण पालना गराउनका लागि पनि सहज होस भनेर आज बाट लागुहुने गरि निर्वाचनको परिणाम नआउन्जेल सम्मका लागि उक्त निणर््ाय कार्यान्वयनमा ल्याउने जनाएको हो ।
कार्यालयले एक आधिकारीक सूचना जारी गर्दै मंसिर ४ गते हुन लागेको प्रतिनिधि सभा सदस्य र प्रदेश सभा सदस्य निर्वाचनलाई स्वच्छ, निष्पक्ष, पारदर्शी र भयरहित वातावरणमा सुसम्पन्न साझा दायीत्वलाई साझा रुपमा सम्पन्न गर्ने उद्देश्यले जिल्ला भर निर्वाचनको अवधिभर मदिरा बिक्री वितरणमा रोक लगाइएको जनाएको छ ।
साहायक प्रमुख जिल्ला अधिकारी अनोज घिमिरे द्धारा जारि सूचनामा निर्णयको उलंघन गरि निषेधित समयमा मदिरा जन्य पदार्थ बिक्री वितरण गरिएको पाइएमा जो कोहिलाई पनि प्रचलित कानुन बमोजिम कारबाही हुने ब्होरा पनि सूचनामा उल्लेख गरिएको छ ।