हिमपातको प्रभावले कृषि र पर्यटनमा बृद्धि

रामेछाप २५ माघ । यस वर्षको पहिलो पटक परेको हिमपातले रामेछापका लेकाली उच्च लेकाली भुभागमा बस्ने कृषकहरुलाइ राहत पुगेको छ । लामो समय देखि बर्षाद र हिउँ नपर्दा आहात भएका कृषकहका लागि हिँउको बृष्टि राहत बनेको हो । जिल्लाको उच्च लेकाली भुभागमा शनिवारबाट शुरु भएको हिमपात आईतबार पनि जारी रहेको स्थानियहरुले बताएका छन् । बर्षाद संगै हिउँ परेपछि उच्च भु भागमा लगाईएको तरकारी लगायतका विभिन्न किसिमका बालीहरुलाई पनि राहत मिलेपछि कृषकहरुमा राहत मिलेको दोरम्वा गाउँपालिका वडा नं–१ खोलाखर्कका दावा शेर्पाले जानकारी दिनु भयो ।
बिगत वर्षहरुमा समयमा नै वर्षाद संगै हिमपात पनि हुने हुँदा त्यसबाट कृषकहरुलाई राहतको अनुभुति गर्ने गर्दथ्यो । तर यसवर्ष भने जिल्लाको उच्च लेकाली भुभाग उमाकुण्ड गाउँपालिकाको गुम्देल, वाम्ती, देउराली, चुचुरे लगाएतको क्षेत्रमा हिमपात भएको छ ।त्यसैगरी दोरम्वा गाउँपालिकाको गौश्वारा, डडुवाको शैलुङ्ग र खोलाखर्क क्षेत्रमा भिषण मात्रामा हिमपात भएको हो । गएको वर्ष भन्दा यस वर्ष धेरै ढिलो गरी हिउँ परेकोले कृषकहरुलाई मात्र । अहिले शैलुङ्ग क्षेत्रमा हिमपात भएसँगै हिउँमा खेल्न आउने आन्तरिक पर्यटकहरुको संख्यामा उल्लेख्य बृद्धि भएको बताए ।

उच्च लेकाली भुभागमा वर्षात सँगै हिमपात भएपछि त्यस क्षेत्रमा रहेका चौरीगाईहरु अहिले बेशी भुभागमा सारिएको छ । हिमपातका कारण चरन क्षेत्रसमेत प्रभावित भएको र अत्याधिक मात्रामा चिसो वढेकाले चौरीहरु बेसी भुभागमा सारिएको त्यस क्षेत्रका चौरीपालक किसानहरुले बताएका छन् । लेकाली भुभागमा वर्षात र हिमपात सँगै अत्याधिक मात्रामा चिसो वढेपछि त्यस क्षेत्रका सामुदायिक विद्यालयहरु समेत प्रभावित भएका छन् । अत्याधिक चिसोका कारण विद्यालयमा अध्ययनरत साना बालबालिकाहरु विद्यालयमा आउन छाडेका हुन् । चिसो वढी भएकाले जेष्ठ नागरिक, साना बालबालिका, सुत्केरी महिला र दिर्घ रोगीहरु बढी मात्रामा प्रभावित भएको उमाकुण्ड गाउँपालिका वडा नं–१ गुम्देलका दानी शेर्पाले बताउनु भयो ।