रामेछाप उद्योग बाणिज्य संघको मत गणना बेलुकि ८ बजेबाट

रामेछाप २७ फागुन । शनिबार सम्पन्न रामेछाप उद्योग वाणिज्य सङ्घको निर्वाचनको मत गणना आज साँझबाटै शुरु हुने भएको छ । निर्वाचन समितिले दुवै पक्षका उमेद्वारहरु विच छलफल पछि सोहि छलफका आधारमा शनिबार साँझबाटै मत गणना थाल्ने गरि तयारी भईरहेको छ ।
रामेछाप उद्योग वाणिज्य सङ्घका कार्यकारी अधिकृत नवीन केसीले दिनु भएको जानकारी अनुसार जिल्ला समन्वय समितिमा बेलुकि ५ बजे सम्म मतदान सकि मतपेटिका वाणिज्य संघको भवनमा लगि मतगणनाका लागि आवश्यक तयारी भईरहेको संघका कार्यकारी अधिकृत नबिन केसीले बताउनुभयो । उहाँका अनुसार बेलुकि ८ बजेबाट मतगणना शुरु गर्ने गरि सहमति भई सकेकोले आईतबार विहान सम्ममा परिणाम आईसक्ने पनि अधिकृत केसिले बताउनु भयो ।
नयाँ नेतृत्वका लागि नेकपा एमाले निकट व्यवसायीको तर्फबाट नवराज ढुङ्गेल र नेपाली काँग्रेस–नेकपा माओवादी केन्द्र निकट व्यवसायीहरूका तर्फबाट नवीन थापा मगर नेतृत्वको समूह मैदानमा उत्तिएका थिए । छन् । निर्वाचन परिणामलाई लिएर दुवै समूहले आफनो टीमले जित्ने सुनिश्ति भनेको भएपनि दुई समुह वीच तिब्र प्रतिस्पर्धा हुने अनुमान गरिएको छ ।
अधिबेसन संगै नयाँ नेतृत्व चयनका लागि भएको निर्वाचनमा कुल एक हजार तीन सय ८७ मत मध्ये एक हजार २ सय ५३ मत खसेको छ । जुन मत कुल मतको ९० दशमलब ३३ प्रतिशत हो ।