मन्थली,२६ जेठ । नेपाल विद्युत प्राधिकरणका कार्यकारी निर्देशक कुलमान घिसिङले केहि दिन भित्रै रामेछापमा खिम्तीको बत्ति जोडिने बताउनुभएको छ ।
सो कुरा उहाले रामेछापको मन्थलीमा राखिएको स्मार्ट स्ट्रिट लाइट र मास लाइटको उद्घाटन गर्ने क्रममा बताउनुभएको हो । हाम्रो जिल्ला भएर वग्ने खिम्ती खोलाबाट निकालिएको बिद्युत लामोसाँगु र ढल्लेवर पुगेर फेरी फिर्ता आउने गरेको हुँदा पटक पटक लोडसेडिङ भैरहेको बताउनु भयो ।
उहाले देशभर सबै नागरिकले बिद्युत सेवा पाइसक्न लागेको अवस्थामा प्रधिकरणले घर उज्यालो सँगै सहर उज्यालो कार्यक्रम पनि ल्याएको बताउनुभयो ।
उहाले देश भर ६० प्रतिशत स्थानीय तह र ४० प्रतिशत विद्युत प्राधिकरणले ब्यहोर्ने गरी सहर उज्यालो कार्यक्रम ल्याएको बताउनुभयो ।
उहाले उपत्यकाको लतिलपुर, पोखरा, भरतपुर लगाएतका शहरहमा स्मार्ट स्ट्रिट लाइट र मास लाइट जडान भैसकेको बताउनुभयो .
घरमा बत्ति पाल्न रहर गर्ने बिपन्न नागरिकहरु सँग मिटर किन्ने क्षमता समेत नहुने अबस्थालाई मध्यनजर गर्दै त्यस्ता उपभोक्ताहरुलाई विद्युत प्राधिकरणले निःशुल्क मिटर बक्स उपलब्ध गराउने गरेको पनि वताउनुभयो ।
उहाले अबको केहि दिनमै खिम्ती मा उत्पादन भएको बिद्युत रामेछाका नागरिकले वाल्न पाउने र उक्त बिद्युत जिल्लामा सप्लाई भएपछि लोडसेडिङ नहुने र विद्युतिय उपकरण हरुमा हाइ भोल्टेजका कारण हुने क्षति पनि कम हुने बताउनुभयो ।
नेपाल बिद्युत प्रधिकरण मन्थली ले आयोजना गरको उक्त कार्यक्रममा मन्थली नगर प्रमुख लव श्रेष्ठ ले नगरक्षेत्र भित्र बिद्युत प्राधिकरणले गर्नु पर्ने विद्युत विस्तार र खानेपानी र सिंचाइका लागि ठाँउ ठाँउमा राख्नु पर्ने ट्रान्समिटरका वारेमा अबगत गराउनु भएको थियो ।
निर्देशक घिसिङले शुक्रवार साँझ मन्थलीमा राखिएको स्मार्ट स्ट्रिट लाइट र मास लाइटको उद्घाटन गर्नु भएको थियो ।
घिसिङको पहलमा रामेछापको मन्थली नगरपालिका स्थीत वडा नं १ ८ र सुनापति गाँउपाकिलाको बेथानमा स्मार्ट स्ट्रिट लाइट, र मास लाइट राखिएको छ ।
यो बारेमा तपाईको प्रतिकृया