रामेछाप,६ फागुन । यहि फागुन १८ र १९ गते काठमाण्डौंमा हुन गइरहेको नेपाल पुस्तक तथा स्टेसनरी ब्यवसायी महांघको सातौं महाधिबेशनका लागि चहलपहल सुरु भएको छ । नयाँ नेतृत्व समेत छनौट गर्ने उक्त महाधिबेशनमा अध्यक्ष पदमा तीन जनाको उमेद्वारी पर्ने भएको छ । यसरी अध्यक्ष पदमा आफ्नो उमेद्वारी सार्वजनिक गर्नेहरुमा दिवाकर घिमिरे, शिवशागर शर्मा र ऋषिराम शर्मा रहेका छन् ।
त्यसैगरी अन्य पदहरुमा पनि धेरै ब्यवसायीहरुले आ–आफ्नो उमेद्वारी घोषणा गरिसकेका छन ।
जस अन्तर्गत बरिष्ठ उपाध्यक्षमा मातृका सिवकोटी, उपाध्यक्षमा राजेन्द्र तिवारी, नारायण कुमार श्रेष्ठ, महासचिवमा दुर्गा कुमार श्रेष्ठ र नारायण काफ्ले, उप–महासचिबमा अर्जुन कुमार आचार्य र रबिन्द्र वराल, सचिवमा महेश शर्मा, मोहन प्रसाद सापकोटा र सम्भु लामिछाने, महिला सचिवमा कोपीला गिरी,लेखा समितिको संयोजकमा कृष्ण राम कार्की र उमेश अधिकारी,सह–कोषाध्यक्षमा रमेश प्रसाद पौडेल र सरोज मास्के,सदस्यहरुमा खुल्ला तर्फ सुबिन मानन्धर र स्टेसनरी सदस्य तर्फ भिम प्रसाद आचार्यले उमेद्वारी दिने घोषणा गरेका छन् ।
यस भन्दा वाहेकका अन्य ब्यवसायीहरुले भने परिस्थीति र अबस्था हेरी उमेद्वारी घोषणा गर्ने तयारी गरीरहेको जनाइएको छ ।
काभ्रे जिल्ला बाट तीनजनाको उमेद्वारी
वागमती प्रदेश अन्तर्गत पर्ने काभ्रेपलान्चोक जिल्लाबाट केन्द्रीय समितिमा प्रतिनिधित्व गर्न तीन जनाको उमेद्वारी पर्ने भएको छ । सो जिल्ला बाट उमेद्वारी पर्नेहरुमा लेखा समितिका संयोजक कृष्णराम कार्की, खुल्ला केन्द्रीय सदस्य सुबिन मानन्धर र स्टेसनरी तर्फको सदस्यमा भिम प्रसाद आचार्य रहेका छन् ।
कृष्णराम कार्की यस अघि काभ्रे जिल्लाको अध्यक्ष हुदै वर्तमान केन्द्रीय सदस्य हुन् भने सुबिन मानन्धर यस अघि २ कार्यकाल वागमती प्रदेशको कोषाध्यक्षको जिम्मेवारी वहन गरिसकेका ब्यवसायी हुन । त्यसैगरी भिम प्रसाद आचार्य काभ्रे जिल्लाको निवर्तमान अध्यक्ष हुन् । एक पछि अर्कोले आफ्नो उमेद्वारी घोषणा गर्दै पुस्तक तथा स्टेशनरी ब्यवसायीहरूले चुनावी चहलपहल बढाईरहेका छन् । सो मितिमा काठमाण्डौमा हुन गइरहेको सातौ महाधिबेशनवाट विभिन्न पदमा चुनिनका लागि पुराना र नयाँ अनुहारका ब्यवसायीहरु मैदानमा उत्रिने तयारी गरिरहेका छन् ।
यो बारेमा तपाईको प्रतिकृया