मन्थली,२३ चैत । रामेछाप उद्योग बाणिज्य संघ मन्थलीले यहि पुष २६ देखि माघ ७ गते सम्म सञ्चालन गरेको बृहत रामेछाप महोत्सव–२०८० को आम्दानी तथा खर्चको विवरण सार्वजनिक गरेको छ ।
संघले आफ्नै कार्यालयमा पत्रकार सम्मेलनको अयोजना गरी शुक्रवार उक्त आम्दानी खर्चको सार्वजनिक गरेको हो । संघका कोषाध्यक्ष झनक वहादुर बुढाथोकी (उत्तम) ले प्रस्तुत गर्नु भएको आम्दानी खर्चको विवरण अनुसार– महोत्सवमा कुल १५ लाख ८२ हजार ७ सय २६ रुपैया आम्दानी भएको र २७ लाख ३० हजार ४ सय ३ रुपैया खर्चभएको छ ।
उहाँले महोत्सवका लागि कुल उठ्नु पर्ने लक्षित रकम रु ३४ लाख १९ हजार ५ सय ९० भएपनि हाल सम्म रु १५ लाख ८२ हजार ७ सय २६ रुपैया मात्र उठेको र १८ लाख ३६ हजार ८ सय ६४ रुपैया अझै उठन बाँकी रहेको पनि बताउनु भयो ।
सो अवसरमा बोल्दै संघका अध्यक्ष नविन थापागमरले आफुले महोत्वबाट लिएको लक्ष ८० प्रतिशत पुरा भएको भन्दै यस महोत्सव बाट धेरै कुराहरुको पाठ सिकाई भएकोले आगामी दिनमा यस्ता कार्यक्रमहरु गर्दा राम्रो सँग पूर्व तयारी गरेर सबै जिम्मेवारी आफै लिनेगरी कार्यक्रमको आयोजना गर्ने बताउनुभयो ।
कार्यक्रमका अवसरमा बोल्दै बोल्दै संघका निवर्तमान अध्यक्ष एबं बृहत रामेछाप सास्कृतिक महोत्सव मूल समारोह समितिका संयोजक केशब प्रसाद घिमिरेले जिल्लाको सुस्ताएको वजारलाई आर्थिक रुपबाट केहि हद सम्म माथि उठाउन गरिएको महोत्सव मार्फत जिल्लाको कला संस्कृति लाई पहिचाहन गराउदै विभिन्न कृषिउपजहरुको राम्रो ब्यापार भएको बताउनुभयो ।
नेपाल पत्रकार महासंघ बागमती प्रदेशका कोषाध्यक्ष रमेश ढुंगेलले महोत्सवको आम्दानी खर्च सार्वजनिक गर्न ढिला भएको भन्दै सञ्चार क्षेत्रले महोत्वसका बेला गरेको सहयोगको संघले स्व मूल्याङकन गर्नुपर्ने बताउनुभयो । उहाले आगामी दिनमा महोत्सव गर्दा सबैलाई अनुकुल हुने समयमा गर्नुपर्ने कुरालाई जोड दिनुभयो ।
कार्यक्रमका अवसरमा बोल्दै महासंघका उपाध्यक्ष कैलाश खत्रीले जिल्लामा महोत्सवले कृषि उपज एबं घरेलु उत्पादन विक्रिका लागि सहज हुने भन्दै यस्ता मेला महोत्सव बेला बेलामा भईरहनु पर्ने बताउनुभयो । कार्यक्रम रामेछाप उद्योग बाणिज्य संघका अध्यक्ष नविन कुमार थापामगरको अध्यक्षतामा भएको थियो ।
यो बारेमा तपाईको प्रतिकृया